न्यायकर्ता 13:13-16

परमप्रभुका दूतले उत्तर दिए, “मैले भनेका सबै कुरा तेरी स्‍वास्‍नीले पालन गर्नुपर्नेछ। दाखका बोटबाट आएको कुनै कुरा त्‍यसले खानुहुँदैन। दाखमद्य वा कुनै प्रकारको मादक पदार्थ पिउनुहुँदैन। कुनै मनाही गरिएको भोजन खानुहुँदैन। मैले भनेका हरेक कुरा त्‍यसले मान्‍नुपर्नेछ।” ती मानिस परमप्रभुका दूत हुन् भनी मानोहले चिनेन र भन्‍यो, “कृपा गरी कतै नजानुहोस्। हामी एउटा पाठो काटेर तपाईंको निम्‍ति केही भोजन तयार पार्नेछौं।” परमेश्‍वरको दूतले भने, “म बसें भने पनि तिम्रो खाना खानेछैनँ। तर खाना तयार पार्नेछौ नै भने पाठोलाई बरु परमेश्‍वरकहाँ होमबलि चढाओ।”