याकूब 1:1-8

प्रभु येशू ख्रीष्‍ट र परमेश्‍वरको कमारो म याकूबले यो पत्र चारैतिर भएका इस्राएलका बाह्रै कुललाई लेख्‍दै छु। तिमीहरूलाई मेरो अभिवादन छ। मेरा भाइहरू, हरप्रकारका जाँच आइपर्दा आनन्‍दित होओ। तिमीहरू जान्‍दछौ, जब तिमीहरूको विश्‍वासको जाँच हुन्‍छ, तिमीहरूको सहने शक्ति बढ्छ। तर कुनै कुरामा पनि नचुकी परिपक्‍व र सिद्ध हुन ती जाँचहरू सहँदै स्‍थिर भएर बस्‍न सिक्‍ने गर। तिमीहरूमा कसै-कसैलाई बुद्धिको खाँचो छ भने परमेश्‍वरसँग माग र बुद्धि पाउनेछौ किनभने परमेश्‍वरले नअन्‍कनाई सबैलाई प्रशस्‍त गरिदिनुहुनेछ। तर माग्‍दा शङ्का नगरी विश्‍वास राखेर माग्‍नुपर्छ। शङ्का गर्ने मानिस त हावाको भरमा चल्‍ने समुद्रको छालजस्‍तै हो। त्‍यस्‍ता मानिसले त प्रभुबाट कुनै कुरा पाउँछु भनेर नचिताए पनि हुन्‍छ। यस्‍तो मानिस दोधारे मन भएको र सबै कुरामा चञ्‍चले हुन्‍छ।