उपदेशक 7:11-16

जीवित रहने मानिस बुद्धिमान् हुनुपर्छ। बुद्धि पैतृक सम्‍पत्ति जत्तिकै असल हो। पैतृक सम्‍पत्तिले धनले जस्‍तै सुरक्षा दिन्‍छ, तर बुद्धिले तिम्रो जीवन जोगाउँछ। बुद्धिबाट पाइने लाभ यही हो। परमेश्‍वरको काममाथि विचार गर। उहाँले बाङ्गो बनाउनुभएको कुरा कसले सोझो पार्न सक्‍छ? आफ्‍ना सबै कुरा ठीक छन् भने खुसी होओ तर दु:ख-कष्‍ट आउँदा यो कुरा याद राख कि सुख र दु:ख दुवै परमेश्‍वरले नै पठाउनुहुन्‍छ। फेरि पछि के हुने हो, त्‍यो कसैले जान्‍दैन। मेरो जीवन व्‍यर्थ भएको छ तर यस जीवनमा नै मैले सबै कुरा देखें। एउटा असल मानिस मर्दछ, अर्को दुष्‍ट भए पनि बाँचिरहँदछ। त्‍यसैले तिमी ज्‍यादै धर्मी वा बुद्धिमान् नहोओ, किन आफैंलाई मार्छौ?