प्रेरित 7:55-60

तर स्‍तिफनसले पवित्र आत्‍माबाट भरपूर भएर स्‍वर्गतिर हेरे। उनले परमेश्‍वरको शक्तिशाली महिमा देखे, येशू पनि उहाँको दाहिनेपट्टि हुनुहुन्‍थ्‍यो। त्‍यहाँ उनले परमेश्‍वर र उहाँको दाहिनेपट्टि येशूलाई ठूलो महिमामा बास गर्नुभएको देखे। उनले भने, “हेर, म स्‍वर्ग उघ्रिएको र मानव पुत्र येशूलाई परमेश्‍वरको दाहिनेपट्टि उभिरहनुभएको देख्‍तै छु।” त्‍यत्तिकैमा तिनीहरूले जोडले कराउँदै आ-आफ्‍ना कान थुने र सबै उनीमाथि जाइलागे। तिनीहरूले स्‍तिफनसलाई ढुङ्गाले हानेर मार्न सहरदेखि घिस्‍याउँदै बाहिर निकाले। साक्षीहरूले आ-आफ्‍नो कोट फुकालेर शाऊल भन्‍ने ठिटाको जिम्‍मा लगाई स्‍तिफनसलाई ढुङ्गाले हिर्काउन लागे। तिनीहरूले ढुङ्गाले हिर्काइरहँदा स्‍तिफनसले प्रभुलाई पुकार्दै भने, “हे प्रभु येशू, मेरो आत्‍मालाई लिनुहोस्।” त्‍यसपछि उनले घुँडा टेकेर ठूलो सोर निकालेर भने, “हे प्रभु, यो पाप यिनीहरूलाई नलागोस्!” यति भनेर उनले आफ्‍नो प्राण त्‍यागे।