प्रेरित 1:15-17

केही दिनपछि त्‍यहाँ झण्‍डै एक सय बीस जना प्रभु येशूमा विश्‍वास गर्ने मानिसहरू जम्‍मा भएका थिए। पत्रुसले उभिएर तिनीहरूको बीचमा बोल्‍न लागे, “दाजुभाइ हो, धर्मशास्‍त्रमा पनि पवित्र आत्‍माले राजा दाऊदद्वारा यहूदाको बारेमा बोल्‍नुभएको थियो। ती कुराहरू पूरा हुनु नै पर्थ्‍यो र पूरा पनि भए। येशूलाई पक्रिने मानिसहरूलाई अगुवाइ गर्ने यहूदाचाहिँ हामीजस्‍तै प्रभुका बाह्र प्रेरितहरूमध्‍ये एउटा थियो अनि हामीजस्‍तै प्रभुको काम गर्न ऊ पनि चुनिएको थियो।”