१ शमूएल 31:1-4

पलिश्‍तीहरूले इस्राएलीहरूसित गिल्‍बो पहाडमा लडाइँ गरे। त्‍यहाँ धेरै इस्राएलीहरू मारिए र बाँचेकाहरू शाऊल राजा र तिनका छोराहरूसमेत भागे। तर पलिश्‍तीहरूले तिनीहरूलाई खेद्दै गएर भेट्टाए र शाऊलका तीन छोराहरू जोनाथन, अबीनादाब र मल्‍कीशूअलाई मारे। शाऊलका चारैपट्टि ठूलो लडाइँ भइरहेको थियो र शत्रुका काँडले लागेर तिनी घाइते भए। तब शाऊलले आफ्‍नो हतियार बोक्‍नेलाई भने, “तेरो तरवार थुतेर मलाई रोप् र यी खतना नभएका दुष्‍टहरूले निन्‍दा गरेर मेरो तमाशा नदेखाऊन्।” तर त्‍यस हतियार बोक्‍नेले इन्‍कार गर्‍यो। त्‍यसले आँट गरेन। यसकारण शाऊलले आफ्‍नो तरवार थुते र त्‍यसैमा उनिएर मरे।