१ कोरिन्थी 4:1-5

हामीलाई तिमीहरूले ख्रीष्‍टका दास अनि परमेश्‍वरको रहस्‍य खोल्‍ने सेवक सम्‍झिनुपर्छ। सेवकचाहिँ मालिकको विश्‍वासी हुनैपर्छ। मलाई तिमीहरूले वा अरू अदालतले दोषी ठहराए पनि त्‍यसको चिन्‍ता छैन न ता म आफ्‍नै न्याय-निसाफ गर्छु। आफ्‍नो दोष मलाई थाहा छैन, तर यसले म साँच्‍चै निर्दोषी छु भनेर देखाउँदैन। मलाई जाँच्‍ने त प्रभु नै हुनुहुन्‍छ। यसैकारण तिमीहरूले ठीक समयभन्दा अघि नै कसैलाई दोष नलाऊ। आखिरी न्‍याय प्रभु आउनुभएपछि नै हुनेछ। प्रभुले नै अन्‍धकारमा लुकेका सबै कुरा उज्‍यालोमा ल्‍याउनुहुनेछ र मान्‍छेका मनका कुराहरू देखाइदिनुहुनेछ। त्‍यस बेला सबै मानिसले पाउनुपर्ने स्‍याबासी परमेश्‍वरबाट पाउनेछ।