John 3

Jesus Enggau Nikodimus

1 # Jhn 7.50; 19.39; Luk 23.13; Jhn 7.26. Nyadi sekali siku orang Parisi, ke benama Nikodimus, ke ari raban tuai orang Judah, 2#Jhn 2.11; 7.31; 9.16; SKR 10.38. mansang ngagai Jesus lebuh malam hari, lalu bejaku enggau Iya, “Pengajar,#3.2 Hebrew: Rabbi kami nemu Nuan endang pengajar ke datai ari Allah Taala, laban nadai orang ulih ngereja kereja ajih baka ti dikereja Nuan, enti Allah Taala nadai enggau iya.”

3 # Jhn 1.13; 1 Pet 1.23; Jas 1.18; 1 Jhn 3.9. Jesus lalu nyaut iya, “Enggau bendar Aku madah ngagai nuan, nadai orang ulih meda Perintah Allah Taala enti iya enda diadaka baru.#3.3 diadaka baru; Tauka: diadaka ari atas

4Ku Nikodimus bejaku ngagai Iya, “Baka ni ku orang ulih diadaka baru lebuh iya udah besai tuai? Kati iya ulih tama ke dalam kandung indai iya baru, lalu diadaka kedua kali?”

5 # Esk 36.25-27; Eps 5.26; Tit 3.5. Disaut Jesus, “Enggau bendar Aku madah ngagai nuan, nadai orang ulih tama ngagai Perintah Allah Taala enti iya enda diadaka ulih ai enggau Roh Kudus. 6#1 Kor 15.50. Mensia ngadaka mensia, Roh #3.6 Roh; Sekeda salin: Roh Allah Taala ngadaka roh.#3.6 Leka jaku: roh sebaka reti enggau leka jaku, ribut, dalam jaku Gerika 7Anang alit ati lebuh Aku madah ngagai kita,#3.7 kita; Gerika: kita; ukai: nuan ‘Kita enda tau enda diadaka baru.’#3.7 diadaka baru: Tauka: diadaka ari atas 8Ribut bepuput ngagai sebarang endur iya deka. Kita ninga munyi iya, tang kita enda nemu ari ni penatai iya, tauka kini ke tunga iya bepuput. Baka nya mega orang ke diadaka Roh Kudus.”

9Ku Nikodimus bejaku enggau Iya, “Baka ni ku utai tu tau nyadi?”

10Disaut Jesus, “Nuan pengajar orang Israel, lalu nuan enda meretika utai tu? 11#Jhn 8.26; 1.18; 3.32. Enggau bendar Aku madah ngagai nuan, kami bejakuka pasal utai ti ditemu kami, lalu besaksika pasal utai ti udah dipeda kami, tang kita#3.11 Gerika: kita; ukai: nuan enggai nerima saksi kami. 12#[2] P-dlm 9.16-17. Enti Aku udah madah ngagai kita#3.12 kita; Gerika: kita; ukai: nuan pasal utai dunya, lalu kita enda arap, baka ni ku kita deka arap enti Aku madah ngagai kita pasal utai serega? 13#Rom 10.6; Eps 4.9; [2] Bar 3.29. Nadai orang udah kala niki ke serega, kelimpah ari Iya ke nurun ari serega, iya nya Anak Mensia.”#3.13 Sekeda salin nambahka: ke diau di serega

14 # P-pau 21.9; Jhn 8.28; 12.34; [2] P-dlm 16.5-7. Baka Moses ke nuatka ular temaga di menua puang, baka nya meh Anak Mensia deka dituatka, 15ngambika barang sapa arapka Iya bulih pengidup ti meruan belama iya. 16#Rom 5.8; 8.32; Eps 2.4; 1 Jhn 4.9-10. “Laban Allah Taala balat rinduka dunya, nya alai Iya meri Anak Tunggal Iya, ngambika genap iku orang ke arapka Iya enda mati tang bulih pengidup ti meruan belama iya. 17#Jhn 8.15; 12.47; Luk 19.10; 1 Jhn 4.14. “Laban Allah Taala ukai ngirumka Anak Iya ngagai dunya ngambika Iya ngakim dunya, tang ngambika Iya nyelamatka dunya.

18Orang ke arapka Iya enda diukum; tang orang ke enda arap, endang udah diukum, laban sida enda arapka nama Anak Tunggal Allah Taala. 19#Jhn 1.4; 8.12; Eps 5.11, 13. Baka tu ku ukum dipejalaika: penampak udah datai ngagai dunya, tang mensia rinduka pemetang lalu enda rinduka penampak laban pengawa sida jai. 20Laban semua orang ke ngereja penyai begedika penampak, lalu enggai datai ngagai penampak, enggai ke pengawa sida ti jai diayanka. 21#1 Jhn 1.6. Tang orang ke ngereja utai ti bendar, datai ngagai penampak, ngambika pengawa ti dikereja sida nyata nitihka peneka Allah Taala.

Jesus Enggau John Pemaptisa

22 # Jhn 4.2. Udah bekau nya, Jesus enggau sida murid Iya bejalai ngagai menua pesisir di menua Judea, lalu Iya diau lama mimit dia enggau sida, lalu maptisa orang. 23John mega maptisa orang di Anon, semak Salim, laban menua nya mayuh ai. Orang lalu majak datai, lalu dibaptisa. 24#Mat 14.3; Mrk 1.14; 6.17-18; Luk 3.19-20. Lebuh maya nya John apin ditutup dalam rumah jil.

25Nyadi sekali bala murid John bekelikuh enggau siku orang Judah#3.25 siku orang Judah; Sekeda salin: sekeda orang Judah pasal adat nuchi diri. 26#Jhn 1.7, 28. Sida datai ngagai John lalu bejaku ngagai iya, “Pengajar,#3.26 Hebrew: Rabbi Iya ke bisi enggau nuan di seberai Sungai Jordan, ke dikenang nuan, bisi ditu maptisa orang, lalu semua orang bela datai ngagai Iya.”

27 # 1 Kor 4.7. Disaut John, “Nadai orang ulih nerima utai, enti Allah Taala enda meri utai nya. 28#Jhn 1.20. Kita empu nyadika saksi aku lebuh aku nyebut, ‘Aku ukai Kristus,#3.28 Tauka: Messiah tang aku udah diasuh datai dulu ari Iya.’ 29#Mrk 2.19-20; Mat 25.1; Jhn 15.11. Lelaki ke ditikah nya meh orang ke bempu bini. Pangan lelaki ke ditikah, ke bediri semak iya lalu ninga iya, gaga ati ninga munyi nyawa iya. Nya kebuah ati aku pemadu gaga. 30Iya enda tau enda nyadi besai, tang aku nyadi mit.”

Iya Ke Datai Ari Serega

31 # Jhn 3.13; 8.23; 1 Jhn 4.5. Iya ke datai ari serega bekuasa atas semua. Iya ke datai ari dunya, endang enggi dunya, lalu iya bejakuka pasal utai dunya. Iya ke datai ari serega, bekuasa atas semua. 32#Jhn 3.11. Iya besaksika utai ti udah dipeda enggau didinga Iya, tang nadai orang nerima saksi Iya. 33Barang sapa nerima saksi Iya, nunjukka Allah Taala endang bendar. 34Iya ke dikirumka Allah Taala, nyebut jaku Allah Taala, laban Allah Taala udah meri Iya Roh Kudus enggau penuh.#3.34 Tauka: enggau nadai besekat 35#Mat 11.27; Luk 10.22. Apai rinduka Anak, lalu udah nyerahka semua utai ngagai jari Iya. 36#Jhn 3.16; 5.24. Barang sapa arapka Anak, bulih pengidup ti meruan belama iya. Barang sapa enda ngasika Anak, nadai bulih pengidup, tang deka natka pengeringat Allah Taala.

अहिले सेलेक्ट गरिएको:

John 3: BK

हाइलाइट

शेयर गर्नुहोस्

कपी गर्नुहोस्