John 2
2
Nikah Di Kana
1 #
Jhn 4.46; 21.2. Dua hari udah bekau nya, orang bisi nikah di nengeri Kana, di menua Galili, lalu indai Jesus bisi dia. 2Jesus enggau sida murid Iya udah mega diambi ngabang ngagai gawai nya. 3#Jhn 19.26; Mrk 3.31. Lebuh wain nyau abis, indai Jesus lalu bejaku enggau Iya, “Wain sida udah abis.”
4Jesus lalu bejaku ngagai iya, “Indu,#2.4 Gerika: Indu nya ukai pekara nuan tauka pekara Aku.#2.4 Sekeda salin: Anang madah ngagai Aku utai ti patut dikereja Aku; Sekeda nyebut: Anang ngasuh Aku Maya Aku apin datai.”
5Indai Iya lalu bejaku ngagai bala orang gaji, “Kereja aja sebarang utai ti diasuh Iya.”
6 #
Mrk 7.3; Jhn 3.25. Nyadi ba endur nya bisi enam igi benda alai nyimpan ai kena orang Judah nuchi diri. Sigi-sigi benda nya ulih ngundan kira 100 liter ai. 7Jesus lalu bejaku ngagai sida, “Isi semua benda nya enggau ai.” Sida lalu ngisi semua benda nya penuh enggau ai. 8Ku Iya bejaku ngagai sida, “Kauk ai nya, lalu bai ngagai tuai gawai.” Sida lalu mai ai nya ngagai tuai gawai. 9Lebuh tuai gawai nyepi ai nya, ti udah bebali nyadi wain, lalu enda nemu ari ni penatai wain nya (taja pen orang gaji ke ngauk ai nya nemu), tuai gawai nya lalu ngangauka lelaki ke benung ditikah, 10lalu bejaku ngagai iya, “Semua orang mantaika wain ti manah dulu, udah nya baru mantaika wain ti kurang agi nyamai, lebuh bala pengabang udah mabuk. Tang nuan udah naruh wain ti nyamai datai ke diatu!”
11 #
Jhn 2.23; 3.2; 4.54; 6.2. Jesus ngereja kereja ajih ti keterubah nya di Kana, di menua Galili, alai Iya ke mandangka mulia Iya. Sida murid Iya lalu arapka Iya.
12 #
Mat 4.13. Udah bekau nya, Iya enggau indai Iya, sida menyadi lelaki Iya, enggau sida murid Iya mupuk ngagai Kapernaum, lalu diau dia dua tiga hari.
Jesus Nuchi Rumah Sembiang
(Matthew 21.12-13; Mark 11.15-17; Luke 19.45, 46)
13 #
Jhn 6.4; 11.55; U-dat 16.1-6; Luk 2.41; P-sut 12.1-27. Hari Gawai Paska orang Judah pen nyau semak, lalu Jesus mupuk ngagai Jerusalem. 14#Mat 21.12-13; Mrk 11.15-17; Luk 19.45-46. Dalam Rumah Sembiang Iya tetemuka orang ke bejualka sapi, bedus, burung achang, enggau orang penukar wang duduk ba mija sida. 15Iya lalu ngaga siti penyipat ari tali, lalu muru semua sida, enggau jelu bedus enggau jelu sapi ari Rumah Sembiang. Iya mubuhka duit sida penukar wang, lalu nungkupka mija sida. 16#Luk 2.49. Lalu ku Iya bejaku enggau orang ke nyual burung achang, “Bai utai tu ke luar! Badu agi ngaga rumah Apai Aku nyadi rumah kedai!” 17#Mas 60.9. Sida murid Iya lalu ingatka utai ti udah ditulis, “Pengangkun Aku ke rumah Nuan, deka mau baka api dalam ati Aku.”
18 #
11.28; Mat 21.23; Luk 20.2. Bala tuai orang Judah lalu bejaku ngagai Iya, “Nama kereja ajih ti deka dikereja Nuan, kena nunjukka Nuan bisi hak ngereja utai tu?”
19 #
Mat 26.61; 27.40; Mrk 14.58; 15.29. Disaut Jesus, “Rubuh Rumah Sembiang tu, lalu dalam tiga hari Aku deka nirika iya baru.”
20Orang Judah lalu bejaku ngagai Iya, “Empat puluh taun orang ngaga Rumah Sembiang tu, lalu Nuan deka nirika iya baru dalam tiga hari?”
21 #
1 Kor 6.19; Jhn 8.57. Tang Rumah Sembiang ti ku Jesus nya tubuh Iya Empu. 22#Jhn 12.16; 14.26. Nya alai, lebuh Iya diangkatka ari mati, sida murid Iya ingatka Iya ke udah nyebut nya. Sida lalu arapka Bup Kudus, sereta arapka jaku ti udah disebut Jesus.
Jesus Nemu Gaya Mensia
23Lebuh Jesus benung di Jerusalem lebuh Gawai Paska, mayuh orang arapka Iya#2.23 Sekeda salin: arapka nama Iya lebuh sida meda kereja ajih ti dikereja Iya. 24Tang Jesus enda arapka sida, laban Iya nemu semua mensia, 25#Jhn 1.47; 6.61; 13.11; Mrk 2.8. lalu Iya enda begunaka orang besaksika pasal mensia, laban Iya Empu nemu utai ti dalam ati semua mensia.
अहिले सेलेक्ट गरिएको:
John 2: BK
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Hakcipta © 2011, The Bible Society of Malaysia
Copyright © 2011, The Bible Society of Malaysia
