यहोशू 10:12-14

परमप्रभुले एमोरीहरूलाई इस्राएलीहरूका हातमा सुम्‍पनुभएको दिनमा यहोशूले परमप्रभुसँग इस्राएलीहरूको उपस्‍थितिमा भने, “हे सूर्य, तँ गिबोनमाथि, र हे चन्‍द्र, तँचाहिँ अय्‍यालोनको बेँसीमाथि अड़िरह।” जाति शत्रुमाथि प्रतिशोध नलिउञ्‍जेल सूर्य र चन्‍द्र थामिए। यो कुरोको उल्‍लेख याशारको पुस्‍तकमा पनि छ। सूर्य आकाशमण्‍डलको बीचमा अड़िरह्यो, र दिनभरि नै अस्‍ताउनलाई आतुरी गरेन। परमप्रभुले मानिसको कुरा सुन्‍नुभयो। त्‍यो दिनजस्‍तो उहिले र पछि कहिले भएन। अवश्‍य इस्राएलीहरूका निम्‍ति परमप्रभुले युद्ध गर्नुभयो।