२ इतिहास 9:5-8

तिनले राजालाई भनिन्, “तपाईंका उपलब्‍धिहरू र तपाईंको बुद्धिको विषयमा मैले मेरो देशमा सुनेको कुरा साँचो रहेछ। तर आएर आफ्‍नै आँखाले नदेखुञ्‍जेल तिनीहरूले भनेका कुरा मैले पत्‍याएकी थिइनँ। साँच्‍चै, तपाईंको बुद्धिका महानताको आधा पनि मलाई बताइएको रहेनछ। तपाईंको विषयमा मैले सुनेका कुराभन्‍दा त तपाईं ज्‍यादै बढ़ी हुनुहुँदोरहेछ। तपाईंका मानिसहरू कति सुखी होलान्‌! तपाईंको सामुन्‍ने प्रतिदिन तपाईंको सेवामा हाजिर हुने र तपाईंको बुद्धि सुन्‍न पाउने यी तपाईंका अधिकारीहरू कति सुखी! तपाईंसित प्रसन्‍न भई तपाईंलाई राजा नियुक्त गरेर उहाँको सिंहासनमा बसाल्‍नुहुने परमप्रभु तपाईंका परमेश्‍वरलाई प्रशंसा होस्‌। तपाईंका परमेश्‍वरले आफ्‍नो प्रेमको कारणले र सदासर्वदै रहन इस्राएललाई स्‍थिर गराउने इच्‍छा भएकोले तपाईंले न्‍याय र धार्मिकता कायम राख्‍न उहाँले तपाईंलाई इस्राएलका राजा तुल्‍याउनुभएको छ।”