बाट लोकप्रिय बाइबल पदहरू {{chapter}}

शेयर गर्नुहोस्

“म तिमीहरूलाई शान्‍ति दिएर जान्‍छु। मेरो आफ्‍नै शान्‍ति म तिमीहरूलाई दिन्‍छु र यो संसारले दिनेजस्‍तो शान्‍ति होइन। आफ्‍नो मनलाई विचलित हुन नदेओ र नडराओ।

येशूले भन्‍नुभयो, “बाटो, सत्‍य र जीवन म नै हुँ। मद्वारा बाहेक कुनै मानिस पनि पिताकहाँ पुग्‍न सक्‍दैन।

येशूले चेलाहरूलाई भन्‍नुभयो, “तिमीहरू दु:ख नमान। तिमीहरूले आफ्‍नो भरोसा परमेश्‍वरमाथि राख र ममाथि पनि राख।

पिताले मेरो नाउँमा सहायता गर्न पठाउनुहुने पवित्र आत्‍माले तिमीहरूलाई सबै कुरा सिकाउनुहुनेछ र मैले भनेका सबै कुराको सम्‍झना गराउनुहुनेछ।

मेरो आज्ञालाई सुनेर पालन गर्ने नै मलाई प्रेम गर्ने मानिस हो। मलाई प्रेम गर्नेलाई पिताले पनि प्रेम गर्नुहुनेछ र म पनि उसलाई प्रेम गर्नेछु र उसकहाँ देखापर्नेछु।”

म पितासँग माग्‍नेछु र उहाँले तिमीहरूलाई मेरो सट्टामा अर्का एक जना सहायक पठाइदिनुहुनेछ र उहाँचाहिँ सधैँभरि तिमीहरूसँगै रहिरहनुहुनेछ। उहाँ सत्‍यका आत्‍मा हुनुहुन्‍छ। तर संसारले उहाँलाई पाउन सक्‍दैन किनभने संसारले उहाँलाई न देख्‍छ नता चिन्‍छ। तर तिमीहरूले उहाँलाई चिन्‍छौ किनभने उहाँ तिमीहरूसँगै रहनुहुन्‍छ र उहाँ तिमीहरूमा बास गर्नुहुनेछ।

तिमीहरूले मेरो नाउँमा जे मागे पनि मबाट पिताको महिमा होस् भनेर म तिमीहरूले मागेको कुरा पूरा गरिदिनेछु। तिमीहरूले कुनै कुरो मेरो नाउँमा माग्‍यौ भने म त्‍यो दिनेछु।

“यदि तिमीहरूले मलाई प्रेम गर्छौ भने मैले दिएको आज्ञा मान्‍छौ।

मेरा पिताको घरमा धेरै बस्‍ने ठाउँहरू छन् र म तिमीहरूको लागि ठाउँ तयार पार्न जाँदै छु। त्‍यस्‍तो नभए मैले तिमीहरूलाई यस्‍तो कुरा भन्‍ने नै थिइनँ।

तिमीहरूको लागि ठाउँ तयार पारिसकेपछि म फर्केर आउनेछु र तिमीहरूलाई म भएकै ठाउँमा लैजानेछु अनि तिमीहरू मसँगै रहनेछौ।

थोमाले भने, “प्रभु, तपाईं कहाँ जाँदै हुनुहुन्‍छ, त्‍यो हामीलाई थाहा छैन अनि तपाईं जाने ठाउँको बाटो हामीलाई झन् कसरी थाहा हुन्‍छ र?”