बाट लोकप्रिय बाइबल पदहरू {{chapter}}

शेयर गर्नुहोस्

अब म तिमीहरूलाई एउटा नयाँ धार्मिक आज्ञा दिन्‍छु, तिमीहरू एकले अर्कालाई प्रेम गर। जसरी मैले तिमीहरूलाई प्रेम गरेको छु, त्‍यसरी नै तिमीहरूले पनि एकले अर्कालाई प्रेम गर्नुपर्छ। तिमीहरू एकले अर्कालाई प्रेम गर्‍यौ भने तिमीहरू मेरा चेला हौ भनेर सबै मानिसहरूले चिन्‍नेछन्।”

मैले प्रभु र गुरु भएर पनि तिमीहरूका खुट्टा धोएको छु भने तिमीहरूले पनि एक-अर्काको खुट्टा धुनुपर्छ। मैले गरेजस्‍तै तिमीहरूले पनि गर भनेर नै मैले नमुना देखाएको हुँ।

येशूले पत्रुसलाई भन्‍नुभयो, “अहिले म के गर्दै छु, तिमीले बुझ्‍दैनौ। तर पछिचाहिँ तिमीले बुझ्‍नेछौ।”

साँच्‍चै म तिमीहरूलाई भन्‍छु, मालिकभन्दा नोकर ठूलो हुँदैन अनि खबर पठाउनेभन्दा खबर ल्‍याउने पनि ठूलो हुँदैन।

तिमीहरूले यो कुरा बुझेर यसैअनुसार काम गर्‍यौ भने तिमीहरू सुखी हुनेछौ।

त्‍यही सम्‍झेर येशू उठ्‍नुभयो र बाहिरपट्टिको खास्‍टो खोलेर कम्‍मरमा तौलिया बेर्नुभयो। त्‍यसपछि उहाँले भाँडामा पानी हालेर चेलाहरूको खुट्टा धुँदै कम्‍मरमा बेरेको तौलियाले पुछ्न लाग्‍नुभयो।