बाट लोकप्रिय बाइबल पदहरू {{chapter}}

शेयर गर्नुहोस्

तिमीहरूका पुर्खाहरूलाई मिश्रबाट निकालेर लिइआउँदा मैले तिनीहरूलाई होमबलि वा अरू बलिदानहरूबारे केही आज्ञा दिइनँ। तर मैले तिमीहरूलाई यसो भनेको थिएँ, मेरो कुरा मान र मेरो आज्ञाअनुसार आफ्‍ना जीवन बिताओ। त्‍यसो भए तिमीहरूलाई भलाइ हुनेछ, म तिमीहरूका परमेश्‍वर हुनेछु र तिमीहरू मेरा प्रजा हुनेछौ।

तर तिनीहरूले मेरा कुरा मानेनन्, त्‍यसमा केही ध्‍यान दिएनन्। त्‍यसका सट्टामा तिनीहरूले आफ्‍ना अट्टेरीपन र दुष्‍ट हृदयका इच्‍छाअनुसार काम गरिहिंडे। त्‍यसरी तिनीहरू अझै दुष्‍ट हुँदैगए।

“तिमीहरूका जीवनका चालामाला फेर, अहिले गरिरहेका कामहरू बन्‍द गर। एक-अर्कासित न्‍यायसाथ व्‍यवहार गर। परदेशी, टुहुरा-टुहुरीहरू र विधवाहरूबाट अनुचित लाभ नउठाओ। यो देशमा निर्दोष रगत नबगाओ। बिराना देवताहरूको पूजा गर्न छोड, तिनीहरूले तिमीहरूको नाश मात्र पार्नेछन्। तिमीहरू सुध्रियौ भने तिमीहरूका पिता-पुर्खालाई मैले सदाकालको निम्‍ति दिएको यस देशमा म तिमीहरूलाई बास गरिरहन दिनेछु।

सर्वशक्तिमान् परमप्रभु, इस्राएलका परमेश्‍वर भन्‍नुहुन्‍छ, तिमीहरू आफ्‍ना जीवनका चाला-माला र काम सुधार र म तिमीहरूलाई यस देशमा बास गरिरहन दिउँला।