बाट लोकप्रिय बाइबल पदहरू {{chapter}}

शेयर गर्नुहोस्

के गिलादमा कुनै मलम छैन? कोही वैद्य त्‍यहाँ छैन त? किन मेरा मानिसहरू निको भएका छैनन् त?

परमप्रभु भन्‍नुहुन्‍छ, “तैँले मेरा प्रजालाई यसो भन्, जब कोही मानिस लड्दछ, के त्‍यो झट्ट उठ्दैन? कसैले बाटो बिरायो भने के त्‍यो फर्केर आउँदैन?

सारसले पनि घर फर्कने बेला जान्‍दछ। ढुकुर, गौंथली र कर्‍याङकुरुङ चराले पनि बसाइँ सर्ने समय भएको थाहा पाउँदछन् तर मेरा प्रजाले मेरा शासन विधि जान्‍दैनन्।

मैले ध्‍यान दिएर कुरा सुनें, तिमीहरूले साँचो कुरा गर्दै गरेनौ। तिमीहरूमध्‍ये एक जनाले पनि आफ्‍नो दुष्‍ट्याइँको निम्‍ति पश्‍चात्ताप गरेका छैनौ, एक जनाले पनि ‘मैले के दुष्‍ट्याइँ गरें’ भनी सोचेको छैन। घोडा लडाइँमा सोझै कुदेर गएझैँ हरेक आफ्‍नै बाटोमा लागेको लाग्‍यै छौ।

तिम्रा बुद्धिमान् मानिसहरू लाजमा पारिएका छन्, तिनीहरू अलमलिएका छन् र पासोमा परेका छन्। तिनीहरूले मेरो वचन इन्‍कार गरेका छन्, अब तिनीहरूको बुद्धि कस्‍तो होला?