बाट लोकप्रिय बाइबल पदहरू {{chapter}}

शेयर गर्नुहोस्

परमप्रभुले गिदोनलाई भन्‍नुभयो, “तँसँग अति धेरै मानिसहरू छन्, म तिमीहरूलाई मिद्यानीहरूमाथि विजय हुन दिन चाहन्‍नँ। हामी आफैंले जितेका हौं भनी तिनीहरूले सोच्‍लान् र मलाई केही आदर नदेलान्।

परमप्रभुले गिदोनलाई भन्‍नुभयो, “तर कुकुरजस्‍ता चाटेर पानी पिउने तीन सय मानिसद्वारा म तँलाई मिद्यानीहरूमाथि विजय दिनेछु र तिमीहरूलाई बचाउनेछु। अरू जम्‍मैलाई घर जानू भन्।”

र मानिसहरूलाई यसो भन् ‘ज-जसलाई डर लागेको छ, ऊ घर फर्के हुन्‍छ, हामीहरूचाहिँ यहाँ गिलाद डाँडामा बस्‍नेछौं।” त्‍यसरी बाईस हजार मानिसहरू फर्कि गए; तर दश हजार त्‍यहाँ बसे।

तब परमप्रभुले गिदोनलाई भन्‍नुभयो, “अझै तेरा मानिसहरू धेरै छन्। तिनीहरूलाई तल खोलामा लैजा र म त्‍यहाँ तिनीहरूलाई अलग गर्नेछु। जुन मानिसलाई ‘तँसँग जानेछ’ भन्‍छु, ऊ तँसँग जानेछ तर जसलाई ‘जानेछैन’ भन्‍छु, ऊ तँसँग जानेछैन।”

गिदोनले मानिसहरूलाई खोलामा लगे। परमप्रभुले भन्‍नुभयो, “ज-जसले कुकुरले जस्‍तो जिब्रोले पानी चाटेर पिउँछन्, तिनीहरूलाई एकातिर राख् र अर्कोतिर चाहिँ ज-जसले घुँडा टेकेर पानी पिउँछन्, तिनीहरूलाई राख्।” तीन सय मानिसहरूले पानी चाटेर पिए, बाँकी सबैले घुँडा टेकेर पानी पिए।