बाट लोकप्रिय बाइबल पदहरू {{chapter}}

शेयर गर्नुहोस्

परमप्रभु आफ्‍नो परमेश्‍वरलाई आफ्‍ना पूरा हृदय, पूरा प्राण र पूरा बलले प्रेम गर।

ती तिम्रा छोरा-छोरीहरूलाई सिकाओ। तिमीहरू घरमा छँदा वा बाहिर टाढा जाँदा, बस्‍दा वा काम गर्दा तिनको घरीघरी चर्चा गर।

आज मैले तिमीहरूलाई दिएका यी आज्ञाहरू कहिल्‍यै नभुल।

“हे इस्राएलीहरू हो, यो याद गर! परमप्रभु मात्र हाम्रा परमेश्‍वर हुनुहुन्‍छ।

तिनलाई आफ्‍ना पाखुरामा बाँध। सम्‍झनाको लागि तिनलाई आफ्‍ना निधारमा लगाओ।

तिनलाई आफ्‍ना घरका ढोकाका चौकोसमा र मूल-ढोकाहरूमा लेख।

परमप्रभु आफ्‍ना परमेश्‍वरको भय मान, उहाँलाई मात्र पूज र उहाँको नाममा मात्रै आफ्‍नो प्रतिज्ञा गर।

“तिम्रा पुर्खाहरू अब्राहाम, इसहाक र याकूबलाई परमप्रभु तिम्रा परमेश्‍वरले प्रतिज्ञा गर्नुभएअनुसार, तिमीहरू आफैंले नबनाएका ठूला-ठूला र धनाढ्य सहरहरू उहाँले तिमीहरूलाई दिनुहुनेछ। घरहरू असल कुराहरूले भरिएका हुन्‍छन्, जुन तिमीहरूले राखेका होइनौ। त्‍यहाँ इनारहरू हुनेछन्, जो तिमीहरूले खनेका होइनौ अनि दाखबारी र जैतुनका बगैँचाहरू, जो तिमीहरूले रोपेका होइनौ। जब परमप्रभुले तिमीहरूलाई यस देशमा ल्‍याउनुहुन्‍छ, तब तिमीहरूको निम्‍ति प्रशस्‍त खानेकुरा हुनेछन्। मिश्रदेशमा तिमीहरू कमारा-कमारी थियौ। त्‍यहाँबाट तिमीहरूलाई बचाई ल्‍याउनुहुने परमप्रभुलाई भुल्‍नेछैनौ भन्‍ने पक्‍का सङ्कल्‍प गर।

“परमप्रभु तिम्रा परमेश्‍वरले तिमीहरूलाई सिकाउन भनी मलाई आज्ञा गर्नुभएका सबै नियमहरू यी नै हुन्। जुन देशमा पसी त्‍यसलाई आफ्‍नो अधीन गर्नेछौ, त्‍यहाँ तिनको पालन गर्नू। तिमीहरूको प्राण रहुञ्‍जेलसम्‍म तिमीहरूले र तिम्रा सन्‍तानले परमप्रभु आफ्‍ना परमेश्‍वरको आदर गर्नू र मैले तिमीहरूलाई दिँदैगरेका नियमहरू पालना गर्नू। त्‍यसो भए तिमीहरू त्‍यस देशमा धेरै दिनसम्‍म जिउन सक्‍नेछौ।

जे कुरा ठीक र भलो भनी परमप्रभुले भन्‍नुहुन्‍छ, त्‍यही गर र सबै कुरामा तिमीहरूको भलो हुनेछ। परमप्रभुले तिमीहरूका पुर्खाहरूलाई प्रतिज्ञा गर्नुभएको मलिलो देश तिमीहरूले आफ्‍ना अधिकारमा लिनेछौ।

यदि तिमीहरूले अरू देवताहरूलाई पुज्‍यौ भने परमप्रभुको क्रोध आगोजस्‍तो तिमीहरूमाथि पर्नेछ किनभने तिमीहरूसँग बास गर्नुहुने तिम्रा परमप्रभु परमेश्‍वरले कुनै पनि विरोधीहरूलाई सहनुहुन्‍न।

अरू कुनै ईश्‍वर तथा तिम्रा चारैपट्टि भएका जातिका देवताहरूलाई नपूज।

“तिमीहरूले मस्साहमा गरेझैँ परमप्रभु आफ्‍ना परमेश्‍वरको परीक्षा नगर्नू।