ဆာလံ 6:3-6

မျှဝေရန်

ဆာလံ 6:3-6 Judson Bible (JBMLE)

အ​ကျွန်ုပ်​စိတ်​ဝိ​ညာဉ်​သည် အ​လွန်​တုန်​လှုပ်​ပါ၏။ အို​ထာ​ဝ​ရ​ဘု​ရား၊ ကိုယ်​တော်​သည် အ​ဘယ်​မျှ​ကာ​လ​ပတ်​လုံး နေ​တော်​မူ​မည်​နည်း။ အို​ထာ​ဝ​ရ​ဘု​ရား၊ တစ်​ဖန်​ကြွ​လာ၍ အ​ကျွန်ုပ်​စိတ်​ဝိ​ညာဉ်​ကို ကယ်​ယူ​တော်​မူ​ပါ။ က​ရု​ဏာ​တော်​နှင့်​အ​ညီ အ​ကျွန်ုပ်​ကို ကယ်​တင်​တော်​မူ​ပါ။ အ​ကြောင်း​မူ​ကား၊ သေ​လျက်​နေ​စဉ်​တွင် ကိုယ်​တော်​ကို အောက်​မေ့​ခြင်း​မ​ရှိ​ပါ။ မ​ရ​ဏာ​နိုင်​ငံ​တွင် ကျေး​ဇူး​တော်​ကို အ​ဘယ်​သူ​ချီး​မွမ်း​ပါ​မည်​နည်း။ အ​ကျွန်ုပ်​သည် ညည်း​တွား၍ ပင်​ပန်း​လှ​ပါ၏။ အ​ကျွန်ုပ်​ခု​တင်​ကို ကိုယ်​မျက်​ရည်၌ တစ်​ည​လုံး​မျှော၍၊ အိပ်​ရာ​ကို​လည်း မွန်း​စေ​ပါ၏။

ဆာလံ 6:3-6 Common Language Bible (BCL)

ကျွန်​တော်​မျိုး​သည်​ကိုယ်​စိတ်​နှစ်​ပါး​ပြင်း​ပြ​စွာ ဝေ​ဒ​နာ​ခံ​စား​လျက်​ရှိ​ပါ၏။ အို ထာ​ဝ​ရ​ဘု​ရား၊ အ​ဘယ်​ကာ​လ​ကြာ​မှ​ကျွန်​တော်​မျိုး​အား ကူ​မ​တော်​မူ​ပါ​မည်​နည်း။ အို ထာ​ဝ​ရ​ဘု​ရား၊ ကြွ​လာ​တော်​မူ​၍​ကျွန်​တော်​မျိုး​အား​ကယ်​တော် မူ​ပါ။ ကိုယ်​တော်​၏​က​ရု​ဏာ​တော်​နှင့်​အ​ညီ​ကျွန်​တော် မျိုး​အား သေ​ဘေး​မှ​ကယ်​ဆယ်​တော်​မူ​ပါ။ မ​ရ​ဏာ​နိုင်​ငံ​တွင်​ကိုယ်​တော်​အား အောက်​မေ့​သ​တိ​ရ​သူ​မ​ရှိ​ပါ။ ထို​အ​ရပ်​တွင်​အ​ဘယ်​သူ​မျှ​ကိုယ်​တော်​အား ထော​မ​နာ​ပြု​နိုင်​မည်​မ​ဟုတ်​ပါ။ ကျွန်​တော်​မျိုး​သည်​ဝမ်း​နည်း​ကြေ​ကွဲ​မှု​ဖြင့် မော​ပန်း​နွမ်း​နယ်​လျက်​ရှိ​ပါ​၏။ ည​တိုင်း​ပင်​လျှင်​ငို​ယို​ရ​သ​ဖြင့်​အိပ်​ရာ​သည် စို​စွတ်​လျက်​ရှိ​ပါ​၏။ ကျွန်​တော်​မျိုး​၏​ခေါင်း​အုံး​သည်​မျက်​ရည် စို​ရွှဲ​လျက်​ရှိ​ပါ​၏။

ဆာလံ 6:3-6 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

အကျွန်ုပ်​၏​စိတ်ဝိညာဉ်​သည်​လည်း အလွန်​ထိတ်လန့်​နေ​ပါ​၏​။ အို ထာဝရဘုရား​၊ မည်မျှ​ကြာ​ပါ​မည်နည်း​။ အို ထာဝရဘုရား​၊ တစ်ဖန်​ကြွလာ​၍ အကျွန်ုပ်​၏​စိတ်ဝိညာဉ်​ကို ကယ်မ​တော်မူ​ပါ​။ ကိုယ်တော်​၏​မေတ္တာကရုဏာ​တော်​ကို​ထောက်၍ အကျွန်ုပ်​ကို ကယ်တင်​တော်မူ​ပါ​။ အကြောင်းမူကား သေလွန်သူ​တို့​အလယ်​တွင် ကိုယ်တော်​ကို​အောက်မေ့​ခြင်း​မ​ရှိ​ပါ​။ မရဏာနိုင်ငံ​တွင် ကိုယ်တော်​ကို​မည်သူ​ချီးမွမ်း​ပါ​မည်နည်း​။ အကျွန်ုပ်​သည် ညည်းတွား​ရ​သဖြင့်​ပင်ပန်း​လှ​ပါ​၏​။ ညစဉ်ညတိုင်း အကျွန်ုပ်​၏​မျက်ရည်​များ​ဖြင့် အကျွန်ုပ်​၏​ညောင်စောင်း​သည် အိုင်ထွန်း​၍ အကျွန်ုပ်​၏​ခုတင်​သည် စိုရွှဲ​လျက်​ရှိ​ပါ​၏​။