YOHANA Danɓǝ ahe
Danɓǝ ahe
Pǝ Ɓǝ'nyah ah Yohana cuu Yesu ako ye Ɓǝ faa Masǝŋ. Ɓǝ faa ah ma galii mai mo so “ciŋ dǝfuu ge kaa kǝsyil mana.” Yohana faa Ɓǝ'nyah mai ŋwǝǝ ɓo mor ka za kee ah mo nyiŋra Yesu ako ye pa ǝ̃ǝ mai Masǝŋ mo faa ɓǝ ah ɓo ɓaaɓe, We Masǝŋ yo, so ka za ma nyiŋ ah mo yeara ne cee (Yohana 20:31).
Ɓǝ'nyah Yohana woŋ ɓo pǝluu gwa: 1:19–12:50 ne 13:-20: Fan ma gbah jol ka tan woŋ ah mo woŋ ɓo ako ye ɓǝ ma pǝ sapetǝr 2:4; 12:23: “cok ɓe ɓah gin a ba” (2:4), “cok ah ge ɓe.” (12:23)
Ɓǝ'nyah Yohana tǝŋ mor ɓo ne faa Yesu ako ye pa ǝ̃ǝ mai Masǝŋ mo faa ɓǝ ah ɓo ɓaaɓe, ako ye We Masǝŋ. Fahfal mai tǝŋ pǝ sapetǝr 1:19 ŋhaa dai sapetǝr 12:50, Yohana kee ɓǝ dǝǝbǝǝri camcam rǝŋ (7) Yesu mo joŋni, ka cuu Yesu ako ye pa ǝ̃ǝ mai Masǝŋ mo faa ɓǝ ah ɓo daga ɓaaɓe, so ako ye We Masǝŋ. So Yohana ŋwǝǝ ɓǝ zah Yesu camcam ka cuu mor ɓǝ dǝǝbǝǝri ah ra ne ko.
Yohana so faa ɓǝ za mai mo nyiŋra Yesu mo so ciŋra za syee mor ahe, tǝkine za mai mo nyiŋra ko ya mo so syiŋra ko, mai ɓǝ ma pǝ patǝ vaŋno woŋ ah yo.
Patǝ gwa woŋ ah tǝŋ ne sapetǝr 13 dai 20. Ɓǝ ah a naiko: sapetǝr 13 dai 17 kee ɓǝ Yesu mo ne za syee mor ah syak ɓǝǝ ne suŋ mai mo gbǝra ko tǝkine ɓǝ mai Yesu mo faa ka zyeɓ za syee mor ah ne ko, tǝkine swaa zahzyil nyi ra kǝpel mai ka mo ɓaara ko ge wo kpuu tǝ'nan ahe. Tǝcoŋ sapetǝr ma ga pel kee ɓǝ gban Yesu ne ɓǝ kiita ahe, ɓǝ ɓaa ah ga wo kpuu, ɓǝ ur ah pǝ wul tǝkine mai mo cuu suu ah wo za syee mor ah fahfal mo urko gin pǝ wulli.
Yohana faa ɓǝ cee ma galii pǝlli. A faa cee ma galii sye fan nyi Masǝŋ yo. Fan nyi ah na ɗǝǝ zǝzǝ̃ǝ sǝ, so za ma lwaa ah ara ye za mai mo nyiŋra Yesu ɓo na fahlii, na goŋga tǝkine cee. Yohana a ne ɓǝ mai pǝswahe. A ne ɓǝ maki ah no faɗa: a ɓaŋ fan makol mai za mo tǝ ɓo daŋ tǝgbana bii, tǝwaare, kǝpii fan ne pǝsǝ̃ǝ ahe, tǝkine kpuu vin ne lee ahe, a cuu fan ma ɗǝk ah pǝ tǝ'yak ne ko.
Woŋ ah mo woŋ lǝǝ ɓo a naiko
1. Ɓǝ ma kǝpel ahe 1:1-18
2. Yohana ma joŋ baptisma tǝkine za syee mor Yesu ma zahnahpelle 2:1–12:50
3. Ɓǝ ma joŋ yaŋ Jerusalem ne tǝluɓ ahe 13:1–19:42
4. Dǝɓlii ur gin pǝ wulli so cuu suu ahe 20:1-31
5. Ɓǝ ma in zah tǝlii: Dǝɓlii cuu suu ah sǝr Galile 21:1-25
လက္ရွိေရြးခ်ယ္ထားမွု
YOHANA Danɓǝ ahe: MUAR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible Moundang © Alliance Biblique du Tchad, 1996.