Genesis 5
5
Setekut kinguvârêt Adamemit Noa tikkidlugo.
1Tamadja aglait inuit kinguvârêngninginik. Taipsomane Gûdib inuk pingortinamiuk, sanavâ Gûde adsilivlugo.
2Angullo arnarlo pingortipak saimauserlugiglo inungniglo atserarlugik, taipsomane pingortitaungmannik.
3Adamelo jâreᴋarame 130nik, ernertârpoᴋ ingmitutitomik, adsiminik; tâmna Setemik atserarpâ.
4Kingorngagullo sulle jârinik 800nik inôvoᴋ, ernertârlune panniktârlarmelo.
5Jâringita ilûnatik unurningit 930ovut; toᴋovorlo.
6Sete jâreᴋarame 105nik, Enos ernertârivâ.
7Kingorngagullo sulle jârinik 807nik inôvoᴋ, ernertârlune panniktârlarmelo.
8Jâringita ilûnatik unurningit 912ovut; toᴋovorlo.
9Enos jâreᴋarame 90nik, Kênan ernertârivâ.
10Kingorngagullo sulle jârinik 815nik inôvoᴋ ernertârlune panniktârlarmelo.
11Jâringita ilûnatik unurningit 905ovut; toᴋovorlo.
12Kenan jâreᴋarame 70nik, Mahalalel ernertârivâ.
13Kingorngagullo sulle jârinik 840nik inôvoᴋ, ernertârlune panniktârlarmelo.
14Jâringita ilûnatik unurningit 910ovut; toᴋovorlo.
15Mahalalel jâreᴋarame 65nik, Jâred ernertârivâ.
16Kingorngagullo sulle jârinik 830nik inôvoᴋ, ernertârlune panniktârlarmelo.
17Jâringita ilûnatik unurningit 895ovut; toᴋovorlo.
18Jared jâreᴋarame 162nik, Hênog ernertârivâ.
19Kingorngagullo sulle jârinik 800nik inôvoᴋ ernertârlune panniktârlarmelo.
20Jâringita ilûnatik unurningit 962ovut; toᴋovorlo.
21Henog jâreᴋarame 65nik, Metusala ernertârivâ.
22Metusalalo ernertârigamiuk, Hênog arvertarpoᴋ Gûde aiparivlugo jârinik 300nik sulle, ernertârlune panniktârlarmelo.
23Jâringita ilûnatik unurningit 365ovut.
24Hênog Gûde aiparivlugo arvertarpoᴋ; saᴋijârungnaiporlo, Gûdib tigungmago.
25Metusala jâreᴋarame 187nik, Lâmek ernertârivâ.
26Kingorngagullo sulle jârinik 782nik inôvoᴋ ernertârlune panniktârlarmelo.
27Jâringita ilûnatik unurningit 969ovut; toᴋovorlo.
28Lamek jâreᴋarame 182nik, ernertârpoᴋ.
29Tâmna Noamik atserarpâ oᴋarlune: Tâpsoma manigoromârpâtigut kappiasungniptingne aggaptalo sulijaksaᴋarningane nuname ôminarsijaujome Nâlekamut.
30Kingorngagullo sulle jârinik 595nik inôvoᴋ ernertârlune panniktârlarmelo.
31Jâringita ilûnatik unurningit 777ovut; toᴋovorlo.
32Noa jâreᴋarame 500nik, ernertârivait Semelo Hamelo Jafetelo.
လက္ရွိေရြးခ်ယ္ထားမွု
Genesis 5: LIHB08
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Labrador Inuttitut Heritage Bible © Canadian Bible Society, 2008.