Genesis 4
4
Kainelo Abelelo. Kainib kinguvângit. Sête.
1Adamiblo nuliane Eva uviniᴋatigingmago singailerpoᴋ, Kainelo erniarivâ, oᴋarlune: Pivunga angumik Nâlekab ikajorningagut.
2Erningmivlunelo erniarivâ nukâ Abele. Abelelo mianersijôlerpoᴋ saukkanik, Kainele perorsêvilerijôlerpoᴋ.
3Pijoᴋarporlo kingorngagut, Kaine tunergutiksamik tunitjingmat Nâlekamut, nunab perortungita ilanginik.
4Ammatauᴋ Abele tunitjivoᴋ saugaᴋotime piarangita angijoᴋpalluit ilanginik ᴋuinijunik. Nâlekablo Abele tunergutâlo ᴋuviagivak.
5Kainele tunergutâlo ᴋuviagingilak. Tagva Kaine ningarosulerpoᴋ angijomik, kênangalo kattalungavoᴋ.
6Nâlegaᴋ tagva Kainemut oᴋarpoᴋ: Sôᴋ ningarosukᴋêt? Sôᴋ kênat kattalungavâ?
7Imaingilâᴋ: Idluartoᴋ kajungerigungne maksoavotit; idluartorle kajungeringikungne idluituligiaᴋ utaᴋᴋivoᴋ upkoarme kajungerlune illingnut? Igville tâpsomunga attaniotilerit.
8Kainible nukane Abele oᴋaᴋatigivâ; pijoᴋarporlo naternamêngmannik, Kainib nukane Abele opakpâ toᴋolugolo.
9Tagva Nâlekab Kaine oᴋarvigivâ: Nukat Abele naûk? Kaine oᴋarpoᴋ: Nallovara, nukara pairijaksarivigô?
10Oᴋarporlo: Sumik piniarᴋêt? Nukavit aungata nippinga ᴋaggorpoᴋ uvamnut nunamit.
11Mâna ôminarsilerit nuname. Tâpsoma ᴋanine aitarpâ, nukavit aunga aggangnit pigivlugo.
12Perorsêvileriguvit, nunab pijungnartaminik tunitjivigijaksaringilâtit kingorngagut. Saksârtuksauvotit ᴋemâjuksauvlutillo nuname.
13Kainelo oᴋarpoᴋ Nâlekamut: Idluitulinera angiluarpoᴋ issumagijaujungnairungnarane.
14Takkuit, uvlome nunamit aulartiparma kênarnillo ijeriartortuksauvunga. Saksârtuksauvlunga ᴋemâjuksauvunga nuname. Imailingalârpunga: uvamnik naipitsijub toᴋolârpânga.
15Nâlekable oᴋautivâ: Aukak, Kainemigle toᴋotsijoᴋ akkiniartaulârpoᴋ sepaitortauvlune Nâlekablo Kaine nallunaikuserpâ, toᴋotaurᴋonago kimut naipitinganut.
16Tagva Kaine Nâlekab kênanganit aularpoᴋ, nuname Nodeme nunaᴋalerlune, Edenib kangiane.
17Kainiblo nuliane uviniᴋatigingmago singailerpoᴋ, Hanokelo erniarivâ. Iglugasaliorporlo, ernime attingatut Hanokemik atserarlugit.
18Hanokible ernitârivâ Irad, Iradib ernertârivâ Mahujael, Mahujaelib ernertârivâ Metusael, Metusaelib ernertârivâ Lamek.
19Lamekele maggungnik nulianikpoᴋ, aipâ atteᴋarpoᴋ Adamik, aipâ Zillamik.
20Adablo erniarivâ Jâbale; tâmna sivorlerivât tuppernik igloᴋartut nergjutiniglo mianersijut.
21Nukanga atteᴋarpoᴋ Jûbalemik; tâmna sivorlerivât ᴋelularalijartut nipjausijartullo ilûnatik.
22Amma Zillatauᴋ ernivoᴋ Tubalkainemik; tâmna kannujanik kikianiglo sunatuinarnik sabviorpoᴋ. Tubalkainiblo najanga Naema.
23Lamekiblo nuliângne oᴋautivak: Adalo Zillalo, oᴋautsimnik tussaleritik; illiptik Lamekib nuliâgik, kamatsialeritik, sumik oᴋarama. Angumik toᴋotsivunga, ikkilermanga; inôsuktomik toᴋotsivunga, killermanga.
24Kainemik toᴋotsijoᴋ akkiniartaulârmat sepaitortauvlune tagva Lamekemik toᴋotsijoᴋ seventy sepaitortauvlune akkiniartaulârpoᴋ.
25Adamib nuliane amma uviniᴋatigingmago, ernermik ernivoᴋ Setemik atteᴋartilugo (oᴋarlune); Gûdib kinguvângmik assianik tunitjivigivânga, Abelib inangertiksanganik Kainib toᴋotangata.
26Setelotauᴋ ernertârpoᴋ atteᴋartilugolo Enosemik. Taipsomane Nâlekab attinga tuksiarvigilerpât.
လက္ရွိေရြးခ်ယ္ထားမွု
Genesis 4: LIHB08
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Labrador Inuttitut Heritage Bible © Canadian Bible Society, 2008.