Marcos ilisant'iyijpe
ilisant'iyijpe
'Yaka ti siunie inka'niye Marcos jilisanik pet naka ti iniant'ipi, jak je iyoyiji pet pa Mateo jla'yi pa Lucas ti i'winis, sekyi'i ti i'yenayisiap pet niwa jip'esijna' ti 'yotatayisi. “Naka ni siunie Sinia' jika'niye ti 'es ti ijwi'il pa Sijwajieti Jesús ti Sinia' jlas” (1.1). Ikajanit ti Jesús je naka ni i'nio' jiniliak, 'yina jwajla iyo ti iyoyeta jika'neyasajnayeja' siu'neje ti ijiutk'i kisie'e puwa imose'l yijits'i papo i'nio', naka 'neje siunie ti initiajnat pi jitis iyo papo ti iyoyi ni jike'. Siu'neje ti inijwe'el jla'am siunie “I'nio' Jlas” ti 'nejts'e 'ni ajnat ti iniwe'n ape'e napo i'nio' ti iyo ka inetiajnat ni jike' siunie ti initiajnat pi jitis iyo papo ti iyoyi ni jike'.
Marcos 'neni pet ti ijwilk'iji'n siupuwa iyot'iyipi pa Jesús jlam'ne je i'wi'n ape'e puwa jlamtis, siu'neje pa t'eyasajnaye kajeyepa kia'le pa Marcos. 'Yina ijiatjlit'iyijpe ti itiant'iejayi ti Jesús ijioyi Jerusalenne ti ja tiliana.
Iniajnat ti yamtiyi pa Juan inajiejnawo pi iyo ti isijme'n, sekyi'i ti nakaye'eje pet ti iniejie'n pa Jesús, 'yina itiujmatayi pijia'm siupa ti imosik ijyijlit pa Jesús. 'Yina siuti Jesús itiete isia'm pa imosik, sekyi'i ti ijyijlitayi ti isijme'n ti iyoyi siuniwa ti yisi'lietk'i napo i'nio'. Ijiok'i'ni ti Judíojos jlosikis jiwos ti tejeyis ilia'm pa Jesús, paj ti yiyeyi siukia ti ja tikima'a ti ja tiliana. 'Yina jloma najape iniu kisie'e ti tajle ni a'no'.
လက္ရွိေရြးခ်ယ္ထားမွု
Marcos ilisant'iyijpe: CRT97
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Nuevo Testamento en Chorote © Sociedades Biblicas Unidas, 1997.