Mattayo 8
8
1Leka pakaselili yombe pa kidunda, mapuga makulungu gakankisiti. 2Na lolaye, akanchilili wa matana ni akangwilikimbo kujowa, Bambo, wona ulonda, uhotola kuniguyula. 3Na akatambalisi kiwoko kyake, na akankwafiti kujowa, Nilonda; uguyulike. Na hino apa akaguyuliki pa matana gake. 4Nu Yesu anjowela, Lola usilongela kwa mundu; koma bita, wilase kwa kasisi, ni ulekele kiyetulo kila Musa akataukili, kutama ulungamakiso kwa wombe.
5Leka apa akayingili pa Kapernaum, akanchilili kenturion kumpembesa, 6kujowa, Bambo, mpalo wangu agona pa nyumba alwala kindengu‐ndengu, kuhumbusika kukulungu. 7Na anjowela yombe, Nenga yanihiche, yanindwase. 8Leka akahigiti kenturion kujowa, Bambo, nenga nukulinganila lepa kukita uyingile pasi pa king’ango kyangu: koma ujowe lilowe waka, na mpalo wangu yalamasike. 9Pakuya nenga kawili niyii mundu wa pasi pa chengo, na askari niyii nawo pasi pa nenga; na ninjowela uyu, Bita, na abita; na yungi, Hicha, na ahicha; nu mbanda wangu, Kita iki, na akita. 10Leka Yesu pakayufwini iki, akahikalili, na akajowiti kwa awa wakisaga, Chakaka niwajowela, haka pa Israel nikiweni lepa kiyitakiso kikulungu ngati iki. 11Leka niwajowela kukita wingi yawafike kuhuma ku mpungu ni ku chombe, ni yawatame pasi pamonga na Ibrahimu, ni Isaak, nu Yakobo, pa utwa wa kunani: 12leka wana wa utwa yawatagike ku lwisi lwa kunja: bahalapala yakuye kulila ni kugogodola mino. 13Nu Yesu akajowiti kwa kenturion, Bitaye; ngati umu uyitikalili, yipate kuya kwako. Nu mpalo yula akalamasiki saa yiyilayila.
14Nu Yesu pakayingili pa nyumba ya Petro, akambweni mkohano mundu agoniti pasi ni kupyupa. 15Na akakwafiti kiwoko kyake, nu kupyupa kukandekiti; na akayimwiki na akantumakili. 16Leka pakufika kimihi, wakantolili wingi wakukamulika ni madaimon: na akatagiti kunja roho ni lilowe, na woha wakulwala akawalwasiti: 17nausi limemasike lila likajowiki ni Isaya wakulweta, kujowa, Mwene akapinditi ulengelefu witu, ni utamu witu akanyanyamwili.
18Leka pakaweni Yesu mapuga makulungu gakumsyungutila, akataukili kubita kwisi. 19Nu yumonga wa wakulembela akachiti, nakajowiti kwa yombe, Bambo, yanikukise kwoha uku yaubite. 20Nu Yesu anjowela, Mankewe gayii na makolo, na madege ga kunani gayii ni fisakasaka; leka Mwana wa adam ayilepe ni pakugonela mutu. 21Leka yungi wa wanafunsi akajowiti kwa yombe, Bambo, uniyitakile nibite huti ni kumbika mu manyinja dadi wangu. 22Koma Yesu anjowela, Unikise nenga; nu waleke wakufwa wawike mu manyinja wakufwa wawe.
23Na pakayingili yombe mu liboti, wanafunsi wake wakankisiti. 24Na lola, mbepo ya limbupulu yikagwili pa nyanja, mpaka liboti likafunakaliki na mayiga: koma yombe akayili mu lugono. 25Na wakanchilili, wakansisimwisi kujowa, Bambo, yokolaye; tiyii mu kutagika. 26Na awajowela, Ndawa kiki muyii ni woga, mwenga wakukepa kiyitakiso? Bahalapala akayimiti, na akalakalili mbepo sila ni nyanja; ni lukayili lumbwela lukulungu. 27Leka wandu wala wakakangichi nyamhope kujowa, Mundu wuli uyu, kukita haka mbepo ni nyanja sinjufwanila?
28Na pakachiti lisi lingi pa ndima wa waGadara, wakanjangalili wawili wakukamulika ni madaimon, wakupita pa manyinja, wa ukali nyahope, mpaka mundu akahotwili lepa kuluta pa ndila yiyilayila. 29Na lola, wakakwesiti kujowa, Kiki kwa tenga na kwa wenga, Mwana wa Mulungu? uchiti kuni ati kutiyambulisa palongolo pa lukumbi? 30Leka likayili patali pa wala lipuga lya maguluwe mingi galyaga. 31Leka madaimon gakampembesi kujowa, Wona utitaga kunja, utitume kuyingila pa lipuga lya maguluwe. 32Nakajowiti kwa gombe, Bitaye. Leka gakapititi, na gakayingili pa maguluwe: na lola, lipuga lya mfilimila likabalamwiki maliayo kuselela pa ligema mpaka pa luchi, ni gakafwili mu machi. 33Leka wala wakudima wakakimbili, na wakabiti ku likaya, na wakatawili malowe aga goha, na gala ga wakukamulika na madaimon. 34Na lola, likaya lyoha likapititi kunkingamila Yesu: na apa wakambweni, wakampembisi awuke pa mipaka yawe.
လက္ရွိေရြးခ်ယ္ထားမွု
Mattayo 8: MGS1937
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published by the British and Foreign Bible Society in 1937.