Mattayo 7
7
1Mukotoke kupela mhalo, nausi musipelewa mhalo. 2Pakuya mhalo wula muwapela, wuwu yamupelewe: nu ndingo wula mulinga nawo, wuwu yawalingile namu. 3Leka ulola wuli lusuki luyii mu liho lya ndongowo, koma uholalela lepa kabihi kayili mu liho lyako wamwene? 4Pangi yaunjowele wuli ndongowo, Niwuse lusuki mu liho lyako; na lola, kabihi kayii mu liho lyako wamwene? 5Wenga wakwikangalakisa, taga kunja huti kabihi kayii mu liho lyako; na bahalapala yaulole wicho kuwusa lusuki luyii pa liho lya ndongowo.
6Mukotoke kupeleka fiwalafu kwa mabwa, haka musitaga lulu sinu palongolo pa maguluwe, gasiya kwali kusiliwatila ni njayo syawe, ni kung’anamuka ni kuwakachula mwenga.
7Muluwaye, ni yakipelewe kwa mwenga; mulondaye‐londaye, na yamukolele; mukingaye, na yakudindulike kwinu: 8pakuya ayi yoha uyu aluwa ayupa; na wakulondalonda akolela; na kwa wakukinga yakudindulike. 9Pangi mundu wuli wa mwenga, mwana mundu wona anduwa nkate, yampele liganga; 10pangi wona anduwa somba, yampele liyoka ati? 11Mumu wona mwenga, pakuya wawifu, mumanya kuwapela wana winu finofu fya waka, si kulutila Dadi winu uyu ayii kunani yawapele awa wanduwa finofu? 12Mumu fyoha fila mulonda kukita wawakitile wandu, fifi na mwenga namu muwakitile: pakukita iki kiyii torah na wakulweta.
13Muyingilaye pa ndyango nfinyi: pakuya ndyango uyii nkulungu, ni ndila yiyii ya kitando, yakupeleka kwa kuyanangika, na wingi wayii wala wayingila pa yila. 14Pakuya ndyango nfinyi, ni ndila yakufinyika, yakutolela kwa kulama, na wala wakuyikolela wakuwalangika.
15Mwigohe wicho kwa wakulweta wa mageya, wala wawachila kwinu pa fyakufyata fya mambelele, koma mugati wayii filugu fyakunyaka. 16Yamuwawalalile pa fipambiko fyawe. Wandu wayawa mbelesa pa mifwa ati, pangi makuyu pa nkwanga ati? 17Wiwi nkongo uyi woha unofu upambika fipambiko finofu; koma nkongo wa waka upambika fipambiko fiwifu. 18Nkongo unofu uhotola lepa kupambika fipambiko fiwifu, haka nkongo wa waka uhotola lepa kupambika fipambiko finofu. 19Nkongo uyi woha wakupambika lepa fipambiko finofu udumulika, ni kutagika pa mwoto. 20Mumu pa fipambiko fyawe yamuwawalalile. 21Nukuya ayi yoha uyu anijowela, Bambo, Bambo, yayingile pa utwa wa kunani; koma yula afikita fila alonda Dadi wangu uyu ayii kunani. 22Wingi yanijowele pa ligono lila, Bambo, Bambo, si tikalwetiti pa lihina lyako, ni pa lihina lyako tikatagiti kunja madaimon, ni pa lihina lyako tikakiti fya mbafu fya mahele ati? 23Na bahalapala yaniwandise kwawe kukita, Na kuwamanya lepa mwenga miaka: muwuke pa nenga, mwenga mwahengaga usokosi. 24Mumu ayi yoha nayombe ayufwanila malowe gangu aga, na agakita, yahwanangane nu mundu wa luhala, nayombe akajengiti nyumba yake pa liganga: 25na ikatonyiti fula, na ikachiti mikuka, ni sikapupwimi mbepo, ni fikagwili pa nyumba yiyilayila; ni yikagwili lepa: ndawa fya pasi fyake fikawiki pa liganga. 26Na ayi yoha uyu ayufwanila malowe gangu aga, ni agakita lepa, yahwanangane nu ngosi mhimu, yula akajengiti nyumba yake pa mhanga: 27ni ikatonyiti fula, ni ikachiti mikuka, ni sikapupwimi mbepo, ni fikatulalili pa nyumba yiyilayila; ni yikagwili pasi: ni kugwa kwake kukayili kukulungu.
28Ni ikayili kukita apa Yesu akamaliti malowe aga, mapuga gakakangichi nyahope pa mayigaliso gake: 29pakuya akawayigalisi ngati mwene chengo, nukuya ngati wakulembela wawe.
လက္ရွိေရြးခ်ယ္ထားမွု
Mattayo 7: MGS1937
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published by the British and Foreign Bible Society in 1937.