Halloo 35
35
Yeeri Yaaqobin Beeteelaa Diiroo
1Aroyee gubb Yeeri Yaaqobich ishichiye: “Tiyiree Beeteel hambe; aroochoo kotebe. Ne manoo Esayi aafoochee ne maxxehooba, neech bekketi Yeeri taach deejjee gudoon shuunebe” iye.#Hal. 28:11-17
2Ebich Yaaqobi bi kechi asheenaꞌonaa biinna tookkii beetinaꞌo bullinoyich ishichiye: “Ittoshi waan beeti dallaawe nuggisheenaꞌon ittoshi waanee wokkiibote; xallebote; ittoshi tahoon shaddibote. 3Ittoshi tiyaa Beeteel keyone. Ta iriteehooba, ta qolloon waayeti, ta hammeti gommo bulliich taanna tookkii tuneti Yeerich aroochaa deejjee gudoon shuunemmo taane” iye. 4Ebich boonoshi waan beeti dallaawe nuggisheenaꞌochi shahalloo bullin, boonoshi waameexi gudichoonoo kichii Yaaqobich immiyeete. Yaaqobiyoo eboshin daammii Shekeemi katemee gaꞌooch beeti ogooge michi xepphooch duukkiye. 5Aroochee are xaaꞌoon gawukkii hammiyeete. Yeeriyoo boonoshi guudoona beeti katemeenaꞌooch beeti asheenaꞌo bulli toommooch oogeti shaton bi kindiitoyich, Yaaqobinaa bi bushiishoonon yookkii dabbito koniyoona aalloone.
6Yaaqobinaa biinna tookkii beeti asheenaꞌo bullina Kanaanee showooch beeti, and Beeteeli getteebeeti Luuza shaggiyeete. 7Yaaqobi arooch deejjee gudoon shuunehe. Biyoo bi manoo aafoochee bi maxxehooba, Yeeri aroochaa biich bi bekketi xaaꞌoo bi tunetoyich, ebi xaaꞌoon, El Beeteeli#35:7 El Beeteeli geto, “Beeteelichi Nuggishoo” getone. ii shigiihe.
8Ebiyooba Ribiqichi dichindee Diiboori qitiyan. Beeteeli katemoyee desh beeti, ooge michi xepphooch duukkahan. Ebi xaaꞌoo, Aloon Bakooti#35:8 Aloon Bakooti geto, “Eeppi meello” getone. getaa ceekkehe.
9Yaaqobi Mesopotaamee Beeteel bi wottetoyee gubb, Yeeri wochinnoon biich bekkeꞌi biin diiriye. 10Yeeriyoo Yaaqobin “Ne shigo Yaaqobine. Tunebaani ebiyee bekk ne shigo, Israꞌeeli getteebani, Yaaqobi getaa ceekkaye” iye. Ebich bi shigoon, Israꞌeeli ii shigiihe.#Hal. 32:28
11Yeeriyoo daakkiꞌi Yaaqobich ishichiye: “Beshe Hakkechi Nuggishoo taane. Shiyi shiijjerebe; meete. Ne shiijjeroochee meeti aagetoo kechemmone. Taateenaꞌo ne waanee shiijjemminaꞌone. 12Abrahaminaa Yisaaqinoyich ta immeti showoon neech immemmo taane; neyee gubbi ne shiijjereenaꞌoyichoo hini showoon immemmo taane” iye.#Hal. 17:4-8 13Yeeriyoo Yaaqobina tookkii bi yibbaateti xaaꞌoochee tiyii, biyee barii hammiye.
14Yaaqobiyoo Yeeri biinna tookkii yibbaateti xaaꞌooch xaqqee giimboon neechiye; uyee deejjoon bi toommooch ukkiye; zayitoonoo wotta ukkiye. 15Yaaqobiyoo Yeeri biinna tookkii yibbaateti xaaꞌoon, Beeteeli ii shigiihe.#Hal. 28:18-19
Raaheeli Qitoo
16Boonoshiyoo Beeteelee tiyii qaxiriyeete. Efiraata shagg boonoshi beddimmona, Raaheelin maaxoo maahe; maaxoonoo xuuxahan. 17Maaxoona xuuxaa bi beetaa, yechaa shiijjechi “Shattaahine; bare anaami bushoon shiyane ne ii beeto” iyan. 18Raaheeliyoo bi kasho kecha qettooch shaggimmona, bushoo shigoon, Been Ooni#35:18 Been Ooni geto, “Ta xuuxee bushoo” getone. iyan; tunebaani bushoochi nihoo, Biiniyaami#35:18 Biiniyaami geto, “Ta qanne kishee bushoo” getone. iye.
19Raaheeliyoo qitiyan. Efiraata daammiibeeti gommi gashooch duukkahan. Efiraati and Beetilehemi gettee beetone. 20Yaaqobiyoo xaqqee giimboon tiijjii, Raaheeli maashee oppee toommooch neechiye. Hanaach beddaahaa Raaheeli maashee malletoo ebi are xaqqoone.
21Israꞌeeliyoo aroochee tiyii qaxiriye. Bi duukkaanoon Edeeri dilaaloyee beqach xogiye.
Yaaqobichi Anaami Bushiishoo Shigo
(1 Kiinoo 2:1-2)
22Are showooch boonoshi beetaa, Roobeeli bi nihoo naamache Biilin qeyiye. Israꞌeeliyoo ishin waayehe.
Yaaqobichoo aaraa gutte anaami bushiisheenaꞌo beetinaꞌone. 23Liyi bushiishoo: Yaaqobichi gutenee bushoo Roobeeli, Simooni, Lewi, Yihudi, Yisakoorinaa Zebulooninane.
24Raaheeli bushiishoo Yooseefinaa Biiniyaaminane. 25Raaheelichi gonnee Biili bushiishoo: Daaninaa Nifitaalinane.
26Liyichi gonnee Zilifi bushiishoo: Gaadinaa Aseerinane.
Eboshi Mesopotaamee showooch beebee, Yaaqobi shiyiti anaami bushiishoone.
Yisaaqi Qitii Duukko
27Yaaqobiyoo and Kebirooni getteeti Qiriyaat Aribi gaꞌooch beeti Mamiri gorooch, bi nihoo Yisaaq waan wottee waahe. Ebi xaaꞌoo ebiyee aaf Abrahaminaa Yisaaqina beebee echeti xaaꞌoone.#Hal. 13:18 28Yisaaqi balli shinna nattiye. 29Geenee baayeꞌi qitiye; bi kasho abbetehe; qititi bi asheenaꞌo waan xaꞌeehe. Bi bushiisheenaꞌo Esayinaa Yaaqobina biin duukkiyeete.
လက္ရွိေရြးခ်ယ္ထားမွု
Halloo 35: KBRC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
SIM International, 2020.