Halloo 33
33
Yaaqobi Esayina Dano
1Yaaqobi kaama ciinniꞌi, Esayi awudde balle asheenaꞌon dabbiiꞌi waa beeton beeggiye. Yaaqobi bi bushiishoon qoodii qoodiꞌi, Liyi waan, Raaheelinaa gutte gonneenaꞌona waan tuniihe. 2Gonneenaꞌonaa boonoshi bushiishoonon aaf shiichiihe. Liyinaa bi bushiishoonon aree hillooch tuniihe. Raaheelinaa Yooseefinonoo gubbi ciirooch tuniihe. 3Biyoo bulliyee aaf shiichii hammiye. Bi manoo waan bi shaggimmi wottoon, shabaatte wottoon showooch guufeꞌi goyinnehe.
4Esayi Yaaqobina daneya wocciye; qettoona tiqqeꞌi shummiye; eefeenoo iyeete. 5Aroochee Esayi kaameꞌi genneenaꞌonaa bushiisheenaꞌonon ciinniye. Biyoo “Ebi neenna tookkii beetinaꞌo koni konine?” iye.
Yaaqobiyoo “Yeeri bi deꞌittinoona ne guuno taach immiti ta bushiishoone” iye.
6Gonneenaꞌonaa boonoshi bushiishoona giddeꞌi, Esayich goyinneheete. 7Wotta Liyinaa bi bushiishoona giddeꞌi goyinneheete. Ciiroochaa Raaheelinaa Yooseefina giddeꞌi goyinneheete.
8Esayiyoo “Ta waan gashetaa waati, ebi shaahe gijjoo ameechone?” iye.
Yaaqobiyoo “Ta doonocho, ne aafooch gidoon danoyich ta deejjitone” iye.
9Esayiyoo “Ta manoocho, taach ta hajjoo meeto beetone; neecho neech tunebe” iye.
10Yaaqobiyoo “Ebi toonoone. Ne aafooch gidoon ta danegaata, ta mattaayoon deꞌe. Gaawe aafoona taan ne ciinaa neenna danoon ta hakkoo, taach Yeeri aafoon ciinoommone. 11Yeeri bi deꞌittinoona taach qaawiibeeto bullin ceechiꞌi immitone. Doogena neech ta giddiiti mattaayoon deꞌe” iye. Yaaqobi qollee iritiitaa, Esayi ebi mattaayoon deqqiye.
12Esayi “Ne tiyaa no gommon qaxiribone. Tawoo neyee aaf shiichemmo taane” iye.
13Tunebaani Yaaqobi ishichiye: “Ta doonocho, ebi ne beeggaa beetoommon, ta bushiisheenaꞌo batt kuppheyaaneenaꞌone. Xaachiibeeti bagee indeenaꞌonaa miinji indeenaꞌonon shiimeebee daamo taach qaawiihe. Gijjeenaꞌo ikke areddoonona afaafinikkaa boonoshi gasheegaata, bulli qiti ciiremminaꞌone. 14Ebich ta doonocho, ne shiichiree hambe. Ta doono ne waan Seyir ta shaggemmi wottoon, gijjeenaꞌonaa bushiisheenaꞌonochi shaꞌoon dabbiree nibboona hammemmo taane” iye.
15Esayiyoo “Ishigaata, ta asheenaꞌoochee giishechoon neech echiibona” iye.
Yaaqobiyoo “Qaawiyaache; ta doono ne aafoochaa baach gidoon danebona” iye.
16Ebich Esayi arooba bi hilla wottee Seyir hammiye. 17Tunebaani Yaaqobi Seyir hamaanoon, Kanaanee showooch beeti, Sukoot#33:17 Sukooti geto, “Basheenaꞌo” getone. hammiye. Arooch biich kexon haggiye; bi gijjeenaꞌoyichoo bashoon bashiye. Ebich ebi xaaꞌoo, Sukooti getaa shigehe.
18Yaaqobi Mesopotaamee bi wottetoyee gubb, Kanaanee showooch beeti, Shekeem diggoona shaggiye. Katemee ciinooch bi duukkaanoon xogii kotehe. 19Duukkaanoon bi xogiti xaaꞌeexi, goyee budon Shekeemichi nihoo Hamoori bushiishoo waanee balle xure birewoona kemehe. 20Aroochoo deejjee gudoon shuuneꞌi, aroon El Eloohee Israꞌeeli#33:20 “El Eloohee Israꞌeeli” geto, “Israꞌeelee Nuggishoo Yeeri” getone. ii shigiihe.
လက္ရွိေရြးခ်ယ္ထားမွု
Halloo 33: KBRC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
SIM International, 2020.