Marcos 13မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ja lajak'i ape'e 'ni ajnat ka inlesana', 'yina ja tini'wajak'iase 'yaka ya'am ti jat'imi'nase ti jikinieyi siunie awoyi, 'yina siunie i'nio' jankatate ti janwoyi siunie iyo niwa yamtis, janakayena'a ni janjwa'.

“Tempi it'imina ti awo'ate, ¡Ká anikiwalinitie! Ká amayets'iji'n, ka je iwopa ti je 'najanayi paka wonayi japak jlomaye ka kia'iwotajanie'e.

“Siuti kiak jawo jajnokieyiji napo anechiyasas, ja ke k'iejliyeyina'a paka woyeyi ka woyeyi asjlak'aliye siunie ti je 'najanayi paka as'lej awonayi. 'Yina ja 'wenayeyi ti jajwela' siunie ti Sinia' janwe'nase'm ti jajwela'. Kajeyepa ti ja ke asama ti ja amtiye'yi, ja 'wenajliyeyi jla'am siojona Sinia' jikimet ti 'es ti jantamti.

Siunie poli jla'yi 'ni ajnat janetia'n, ja jlam'neja pet siuniwa yamtis ja ke paja ka inetia'n jla'am.

“Jlampet siojona jloma siu'neje jana inetitinki janeyi jana kiliekie' japa ja'nesi janak lajk'ipa ka 'najane paka iwone, tiwet'ianaja ka napokaye wek napo jijliujwajnas poli jlele, ka nakaye 'neje wek jlas ka 'najane paka wone, 'yina ijwienjli jla'am 'ni Sinia' ti 'yijene pi iyone.

“Jlampet ti jajieyeyi ti inwak japoye ajnat pa janejyi, ka je tojwayi, ni'ne ka tojwayi paka inejyi, kamajanie'e 'yina ti jlam kiak jawo ti japoye niwaka, 'yina ja mamjliye'eje ja tojwayi'ni siojona jloma ti jlamayiji, ka kia'iwo.

'Yina nak kia'iyo'ni pet, it'imina ti awo'nase 'ate, Ká anikiwalinitie, kajeyepa je 'najanayi paka wonayi siojopa jloma ti ja'nes ni jika'niona janak 'wuk, ent'a ka ajnalis wujwak'i'ni, ni'ne ka'nes ka ajnaj kioweja', ni'ne ka'nes siunie ti ajwentas yapataja'n, ni'ne ka k'iejli motie. Ká anikiwalinitie, 'lojwinie'e kaneyi astepe'e ka mayets'iji'n ti janesi'lieta. Je asamkataja ka kiak iyo'nase siunie ajwe'lase'm, 'yina apejlaniti ape'e napo naka ti awo'ate, ¡ká anikiwalinitie!”

Siunapo i'nio' yijits'i niwa ajnatis wus janilajne'n, siunapo anechiyasas kiak jawojliyi pit, anechiyasisak'i wita'm ti janilajne'n. 'Yina japoye siuniwa ti ajnat ja'wesi ti ja pansisak'i, nel'lia japoye. Jawo'ate iyo jana asejnia ti k'iejli jlas yokie, iyo ni ji'wok.

Siuti ja ke inejliyi kiu' janak siojona jloma ti ja jlaja, janak siojona jloma ti jankatate napo i'nio' ti janjwe'el niwa Sinia' jlamtis ape'e 'ni ajnat, ti jantejwi'n ape'e.

Kajeyepa ja ke piniye napo i'nio' janiteyini ki yi'i iyo ti ja woyis 'ate, “Ya'am ti Injwajietik'i'm siunie Sinia' jijliujwanik.” 'Yina ja ke jlasiye napo i'nio' ti jank'emijietk'i.

“'Yina siunie jiwoyeyi asa'am ti jijnieye pet ijyik'i, kajeyepa ti siunie ja tiwona'ase, ja inekiajlayi napo ijnosikis jiwos, ja inenajayits'i niwa 'najla'wetis ti ja inajakiejyi'n, siu'neje ti jajnoyeyiji napo anechiyasas wus, siu'neje napo t'as jitieyi'i. Siuti sek ja awaye'yi ja nisiamaye'nina'a ti awoye asamtikie' ti ja sijwela', ti ja enayi jitieyi'i.

Kajeyepa ti jana'am siunapo ti janijwe'el ti janapokaye Injwajieti ti Sinia' jijliujwanik, siu'neje napo ti janijwelis ti janapokaye Sinia' jijwejlanawosa', 'yina jan'wenki'n siuniwa ti janesi'lietk'i napo i'nio', ti janwo ka ink'emijiet napo siunapo Sinia' pajk'i ti isi'mik'i, janwo pa jawo ni'ne ka je inkajlits'i.

Jesús iyo'ate ti yinayi'iji ape'e: “Ti janek 'niji jiwek pak injlak'ali ti wuj, puwak jlomas 'yina siunie kilie' ja'no'me, jlam pet siunie we'la ja laja jlala', siuniwa katese'l janok'iji'n ti jantajla'm ni poli, siuniwa yiji pet ni poli ti jijweye po' jantaj'lik'i niwa ji'wetis.