Marcos 14မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Yama wat ts'iji, ti iyoye t'ajlayeja', 'yina paj ti jitiokiots'i 'yitayi ajnat'e ti inip'elisine pa Jinia' ti iyo'ate: “Inia', siuti a'am ti jejlien paka k'iejliye ka kia'iwo, wojyi'n paka i'niayija', ke sena'ate siu'nie iliaye jawoyi. Inia', 'esiji ka jalk'i siu'nie yat ti pajyi. 'Yina awo'ate, 'esiji ka woyi siunie ti a'am ti janteliaja kawoyi, 'yina je ka yama ka intalk'i siupa ja woyi.”

Ataj etie kisie', woye asts'ajlayeja', 'nakayi ti siunie inkajejlasaye ja ke injlana'ni pet. Kajeyepa ti a'we'en ti jiwoyeyetaja 'niwa yamtis siu'neje ti astankiujnieye poyeta, 'yina 'nakayeyi jla'am siunie 'assie'n ti je to'm ilia'm.

Ijiatk'i siu'nie jayo, ti ajnat pi jane'yi ti ja tiwoki inka'niyeja' siuniwa Sinia' jlamtis ti isis, sekjane'yi ka tijwelajape pet siujlie'e iyo jla'a asejnia, ja titienkiuniejak'ipe.

'Yina iyone'ne 'ate japoka ti ijwijla'm: —Alate ti 'yiniye ka isiak'al inek'ni ta'a siupa jawo pa ja iliayeja' ti jats'a'al. 'Nak weye'yi kiu', 'yina jwajla'a paka woyeyi ká amayets'ijinna'a.

Jlajmiliet, ti ti'yekiujni'n, Jesús isimayi jlaja woye ti yi'n jikiojyi, sekyi'i ti jinikanitieyi iwinayi pa Sinia', itime ti its'isajaja'n, sekyi'i ti iwinak'i japo t'eyasajnas, ti iyo'ate: —Siu'u, 'nak 'yajwes.

Paj ti isimayi'ijyi siujlieja inat jiwe ti at'es yiji, sekyi'i ti jinikanitieyi iwinayijyi pa Sinia', itimeje ti iwinayi japo t'eyasajnas kan'yayisi, ijiatjliyi no'we ti i'yayisi. Sekyi'i ti iyonayi 'ate: —'Nak i'yoyis ti tisa'ni, 'yina ja ke piniye napo i'nio' ti ja 'esieyi, jla'yi ti 'nak 'yakajanit siunie Sinia' ji'lij ti ink'ie' ti iliyi siunie jawoyi'ijyi.

Jesús iyone'ne 'ate japo t'eyasajnas ti ijwijla'm: —'Yejne'n, ti asa'am ja ke injwanjli pa ja'wanjliye pijia'm ti jaleyik'i. Iyo jla'am niwaka Sinia' jlamtis ti yiji ni ji'wet, ti iyo'ate, “Jalia'an ni sontas jiwo, siuniwa jiliajwas jlam sek jajnok'i'ni ape'e 'ni ajnat.”

Neyets'i pijia'm, naja'ni, je tojwa ilia'm ni siunie ja siwe'en.

Jesús isiujlie ti iyone 'ate: —Ijiatk'i siunie jayo'na, ti siu'nie ajnaj ka majletiejejna'aja ka nekiajle'e ka ajwentas inap siupa ja timesieyiji, janajapejayi ti ja ajwel ka je intant'iek'i.