Marcos 12မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Jesús iyo'ate ti isiujlie: —Sinia' jlamtis siuniwa 'yaka'm ape'e niwa ijia naka siunie ti iyo'ate, “K'iuyeyi, Israel jika kia'lis, Sinia' ti Saka'niona, ijwienjli jla'am ti Saka'niona. Emi'n ni Sinia' ti Aka'niona, nayi wita'm pi iyo pa akiowe, nayi wita'm pi iyo pa asak'al, nayi wita'm pi iyo pa atankiujnieye, siu'neje ti janayi wita'm pa iyo pa ajweye.” Siunie tomik'i iyo'ate, “Emi'n ni akiecha, wone 'ate iyo ti a'am ti jininemi'n.” 'Yina lajk'i paka jikiecha ka inka'm ape'e 'niwaka.

Jesús tanat'iyi'nijpe japo t'eyasajnas, sekyi'i ti iyonayi 'ate: —'Yenak'i siojokia ask'ilieki, p'ijliusie. Ijiatk'i siunie awo ti siojokia jika wikiniet'aj jlase' ti itietek'i isia'm siojona tena'a'ni, 'yina 'yaka'm ape'e siojopa itietek'i isia'm siojopo i'nio' ti ijiate jla'am ti jwajla'a i'wi'in. Kajeyepa ti siojopo i'nio' itietek'i isia'm, janaka siojona jika wikiniet'aj 'wanjle'e ti i'yaka'n, 'yina jlam'ne pet siujlieja ask'ilieki janaka pet siojona ti jika wikiniet'aj jlase' iniatie'e'ni 'yina iniayi wita'm ti itietek'i isia'm, ti jitiej iyontaja'ni pet ka jlak lajaye.

Ti je taljli'ijyi ts'e yi'i jlaja 'najla'wet wuj, Jesús teje'yi siojopa titietajak'i'ni isia'm puwa wikijniest'ejes tiwoki in'wajietiye ti tekiajlaja pa Sinia', ti i'ye'en papo ijioyi ti itietik'i'ni isia'm, jlam'ne siupa i'nio' jwajla'a i'wi'in wuj jla'am japa itietek'i isia'm. Ijyiwitat'ipi ilia'm siojopa ask'ilieki, ti p'ijliusie, ti 'nesa pet, ti itietek'i isia'm japa jika wikiniet'aj jlase' ti timesk'i jiwek ti laj lajaye.

Ti siuti jayimi'n ni Sinia' ti janiayi wita'm pi awone pa isiowe, janiayi wita'm pa iyo pi ijiusik, siu'neje ti janiayi wita'm ki iyo pa ijwiye, siu'neje ti emi'n ni isiecha ti jayone 'ate awone ti ya'am ti aninemi'n, jla'm ijiate ti 'es, 'yina ti 'yaka'm ape'e siuniwa tilianajan'ni, siu'neje ti tiwunie ti tonitieje pa Sinia'.

Sekyi'i ti Jesús kiak iyonayi 'ate: —Ijiatp'ane, siunie tajle ni anechiyas Roma jlele nak ja ekiajlayi, jlampet siunie tajle ni Sinia' 'yina nak ja ekiajlayi'ijyi pet ni Sinia'. Kanwojlijinisipi pa ti ipi'yayis ti kia'iyo.