Jɔnn 14
14
Yisa le ye nsan man chaa Baa-n ban
1“Ni laa che ni mug ni sufu. Ni gaa Uwonbɔr jiu; ki gaa n mu jiu. 2Tidir takpem le be n Baa a niin; naa bi ye man ke, n bi li bei ni. N chaa niin le n tan mann npaan ki guur ni. 3Ni ye ke n jon tan mann npaan ke, n li jirin ki nan ta ni wee nitɔɔl tan li be n ban nan yaan wee n be-n. 4Ni nyi nsan man chaa maah yin jo nan yaan nin.”
5Le Tomasi bei u ke, “Uyudaan, taa nyi ŋaa chaa nan yaan ni, mambu ti yin ŋa niin ki biɛ nsan naa?”
6Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu. 7Ni ye ke a sin nan biɛm ke, a li biɛ n Baa-n baantɔɔl. Daandaan nan ki jɔɔ chaa, a num kan wa le ki biɛ wa.”
8Le Filib len ke, “Uyudaan, wɔɔn ti Baa-n ni wee nin kpaan ti.”
9Le Yisa jiin ke, “Naa nyi maa, Filib, nin maah le nan be ni ban ni yuur man nan a bɔɔn naa? Wan biɛn kam ke u kan Baa-n na. Ni yin ŋa niin ki len ke, ‘Wɔɔn ti Baa-n’ naa? 10Naa ŋa yada ke n be Baa-n ni le, le Baa-n be n nii? Imɔbon yan n pag sei ni kaa ye n tɔɔl a bɔri. Amaa, ti ye Baa, wan be n ni-n, le tun u toon. 11Ŋaam yadau maah len ke n be nin Baa-n wee Baa-n be nin min nin, bee ŋa ligaril a siɛramin yadau. 12N bei ni ibamɔn le, wan biɛn ŋaam yada ke u li tun maah tun man nin. U li tun tiwann tan jon man, nan bu-n n chaa Baa-n ban le. 13Le n li ŋa naah li miɛ nan biɛn n yinl bu, wee Baa-n kan kupag Bija-n bu. 14Ni ye ni miɛ nan n yinl bu ke, n li sei ni.
Waah nan siin bi Kasi a Naaŋ a mɔsiinl man
15Ni ye ni jiɛm ke, ni li chee maah bei ni man. 16Le n li baan Baa-n, wee un ji sei ni utiter uba wan na li gbaa be nin ni n-yonn biɛn. 17Ni ma ye ibamɔn a Naaŋin. Dulinya nan a ninfob kaa li fir gaa wi, nan bu-n baa nyi kan wi, laa baan bin biɛ wi. Amaa ni nyi u, nan bu-n u be nin ni le ki li be ni ni. 18Maa li jiɛn ni wee ni be ni binba ke nkpeebimi; n li dan ni ban. 19Naa li yuuri, dulinya nan yaab kaa ji li kami, amaa nim li kam. Nan bu-n maah yin gbaa be nin n miɛfolin, ni mu yin be le nin limiɛfol. 20Lidaal nmɔn ni na li biɛ ke n be nin n Baa le, le ni be nin min, le n be nin ni. 21Wan biɛn chee ki ŋmag n siimin kaah ban man ke, u ma ye wan jiɛm. Wan jiɛm ke u li kan njiɛm n Baa ban, le n mu li jiɛ u ki ta nba ki wɔɔn u.”
22Le Judasi (wan ye Tadiɛsi#14:22 Naa ye Judasi Isikariya wan nan kɔɔr Yisa.) len ke, “Amaa, Uyudaan, ba ŋa wee a yin ta a ba ki wɔɔn ti wee kaa yin wɔɔn dulinya yaabaa?”
23Le Yisa jiin ke, “Ni ye wan jiɛm ke, u li ŋa maah wɔɔn man. N Baa li jiɛ u, le n Baa nin min li dan u ban ki nan be u ban. 24Wan kaa jiɛm kaa li ŋa maah wɔɔn man nin ni. Imɔbon yan ni gbir nan kaa ye n yaa mɔboi yi; i ye Baa wan nan tumin a mɔboi le.
25N pag ni nan biɛn maah la be ni ban nin le. 26Amaa Utiter, Kasi a Naaŋ, wan wee Baa-n yin tun u n yinl bu-n, li wɔɔn ni niwann biɛn ki tiɛr ni niwann nan biɛn wee n nan bei ni.
27Nposɔɔn li be ni ni; nposɔɔn man be n nin le n ta sei ni. Maa sei ni ke dulinya kaah tenn man nin ni. Ni laa che ni mug ni sufu ki laa san bijawaami.
28“Ni gbir maah ke, ‘N yin fɔɔr le ki ji jirin ni ban.’ Ni ye ke a jiɛm ke, a li jɔɔ nmɔn na, maah chaa Baa-n ban nin, nan bu-n Baa-n li yab ki jom. 29Daandaan nan n bei ni le wee nin ni ŋa, wee ni nan ŋa ke ni li ŋa yada. 30Maa ji li pag nin ni ki yuuri, nan bu-n dulinya nan a bɔrbig le chaan nin. Waa jɔɔ n pɔɔmi, 31amaa ni kpaa le nin dulinya nan n tinn ki biɛ ke n jiɛ Baa-n le ki tun waah wɔɔnim man nin dede.
“Ni che ti fɔɔr do; daandaan nan.
Terpilih Sekarang Ini:
Jɔnn 14: KUGL
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Komba New Testament © Bible Society of Ghana, 2014.
