Ayat Alkitab yang Popular daripada Jɔnn 14

Kongsi

Nposɔɔn li be ni ni; nposɔɔn man be n nin le n ta sei ni. Maa sei ni ke dulinya kaah tenn man nin ni. Ni laa che ni mug ni sufu ki laa san bijawaami.

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

“Ni laa che ni mug ni sufu. Ni gaa Uwonbɔr jiu; ki gaa n mu jiu.

Amaa Utiter, Kasi a Naaŋ, wan wee Baa-n yin tun u n yinl bu-n, li wɔɔn ni niwann biɛn ki tiɛr ni niwann nan biɛn wee n nan bei ni.

Wan biɛn chee ki ŋmag n siimin kaah ban man ke, u ma ye wan jiɛm. Wan jiɛm ke u li kan njiɛm n Baa ban, le n mu li jiɛ u ki ta nba ki wɔɔn u.”

Le n li baan Baa-n, wee un ji sei ni utiter uba wan na li gbaa be nin ni n-yonn biɛn. Ni ma ye ibamɔn a Naaŋin. Dulinya nan a ninfob kaa li fir gaa wi, nan bu-n baa nyi kan wi, laa baan bin biɛ wi. Amaa ni nyi u, nan bu-n u be nin ni le ki li be ni ni.

Le n li ŋa naah li miɛ nan biɛn n yinl bu, wee Baa-n kan kupag Bija-n bu. Ni ye ni miɛ nan n yinl bu ke, n li sei ni.

Ni ye ni jiɛm ke, ni li chee maah bei ni man.

Tidir takpem le be n Baa a niin; naa bi ye man ke, n bi li bei ni. N chaa niin le n tan mann npaan ki guur ni.

Ni ye ke n jon tan mann npaan ke, n li jirin ki nan ta ni wee nitɔɔl tan li be n ban nan yaan wee n be-n.

Le Tomasi bei u ke, “Uyudaan, taa nyi ŋaa chaa nan yaan ni, mambu ti yin ŋa niin ki biɛ nsan naa?”