Ayat Alkitab yang Popular daripada Luk 14

Kongsi

“Kpe nene wu abag ɔma ka we akan jinging nsi yi nyen, minkai yi mbɔn, mbɔn banyen ba banine yi ba bakani, kpe ekwen eyi, npɛdi mine awua ahɔman akɛmi minyedag me.

Ka kpewun wu akan karing erere yi baseni eyi anyedi me ahɔ kɛmi minyedag me.

Ka bɔ feb ba atamag beke ting apodi bɔ eboi, ka bɔ ba apodag lɔ ting atam bɔ esɔ.”

Wa nkeri we ɔhɔ kɛmi mine wu anyedag me ebu we akan joging feb nggom bi ɔkwe.

“Nene owuna wud, wu ali remag ɔtɛb enyɔng, wu we ahɔrannen kpa amai efɛn eyi ka we arɔ ebu we akwekwe bakpoga gbɔg ma ting akɔn we alem erom ayin eman? Ebu we akan leming ala, we ɔhɔman atɛb yi eman ebu we alato enud, ka feb ba arɔn yi etɛbing ting awɔi we. Arɔ, ‘Mine wufa aton ɔtɛb ka ahɔman atɛb asi nkuri.’

Ka ebu we ɔla rob efɔg, lag bakpak, bɔ ba agweri, bɔbeni yi bachegag ba mmɛd, da ting enɔb yi we. Kpe yi bɔ ahɔman ajog we, ka Ɔsɔwɔ ting ajog we wa epo yi bane ba nnɔ enyimag wa eko.”

“Minkang anɔbɔnɔb, ka ebu bochob obu bɔhɔbe, alemag lan ka alem mɔ ahɔkɛmi minkang? Ahɔnɔb wa nsisi yi kpe wa mbeng esamasa. Akwadag mɔ wai. “Kpewun wu akwe baroi ma awogag nungi we awog!”