زکریأ ۱۱
۱۱
ظألیمٚ پورزورٚ آدمأنٚ جٚه بین شؤئؤن
1 اَی لبنأن، تی دروأزه‌یأنَ وأزَ کون کی آتش تی سروٚ دأرأنَ بوسوجأنٚه. 2 اَی صنوبرٚ دأرأن، بٚرمه بوکونید تومأمٚ سروٚ دأرأنٚ رِه کی بأطیلَ بوستٚد. اَی باشانٚ مأزویأن زهأر بٚزنید، چونکی پیله جنگل جٚه بین بوشؤ. 3 اَی پأدیشأیأن، ایجگره بٚزنید و برمه بوکونید، چونکی شیمی جلال و جبروت بأدٚ اَمرأ بوشؤ. اَ شیرأنٚ نأره صدایَ بٚشتأوید، چونکی اوشأنٚ اُردنٚ پور شوکو درّه فوگوردسته.
بد و خورومٚ چوپأنأن
4 می خودا، یهوه مٚرَه بٚفرمأسته: «بوشو و او گوسوٚندأنٚ چوپأن بوبو کی، وأستی سٚر وأوِه بٚبد. 5 شرورٚ رهبرأن، می قومأنَ بیهین بوفروش کونٚده. اَشأنٚ چوپأنأن رحم نأشتنٚ اَمرأ اوشأنَ فوروشده و گده: "خودایَ شوکر! مأل و مینألدأر بوبوستیم!" و اَشأنٚ بیهین کسأن اوشأنَ هینده سٚرأبینده و هیذره تِنبیه نٚبٚده.»
6 خوداوند فرمأیه: «من دِه اَ سرزیمینٚ آدمأنٚ رو رحم نوکونٚم، بلکی وئألم اوشأن خوشأنٚ شرورٚ رهبرأنٚ پٚنجه میأن گریفتأرَ بٚد، بوکوشته بٚبد. شرورٚ رهبرأن، اَ سرزیمینَ چأکونده صأرأیی و من وئألم کی اَ کأرَ بوکونٚد.»
7 پٚس من او ستم بیدِه گله‌یَ کی کوشتنٚ رِه موشخص بوبوسته بودَ بٚچرأنِئم. بأزون می دٚسٚ میأن دؤنه چوپأنی عصأ بیگیفتٚم ایتأیَ «لوطف» و اویتأیَ «ایتحأد» نأم بٚنأم و هوطؤ کی مٚرَه دستور بٚدأ بوبوسته بو، گله‌یَ بٚچرأنِئم. 8 ایتأ مأه میأن، اَ گله سه‌تأ چوپأنٚ شرٚ جَا خلأصَ بوستم؛ ولی گوسوٚندأن می جَا نیفرت اوسأدٚد و منم اوشأنٚ دٚسٚ جَا مٚرَه مرأقَ گیفته و ظله بوستم. 9 پٚس اوشأنَ بوگفتم: «جٚه اَنٚ پٚسی شیمی چوپأن نٚبم. اونکی مٚردنی ایسٚه وئأل بیمیره و اونکی کوشته بوستنٚ شین ایسٚه وئأل بوکوشته بٚبه. اوشأنی‌یٚم کی مأنٚده وئأل کس‌کسَ وأچأرٚد و بوخورٚد!»
10 بأزون می او عصأیَ کی «لوطف» نأم دأشتی بٚشکنِم کی نیشأن بٚدم او عهدَ کی تومأمٚ قومأنٚ اَمرأ دٚوٚستٚه بوم بأطیلَ کودم. 11 پٚس هو روجٚ میأن او عهد بٚشکفته. بأزون او ستم بیدِه گوسوٚندأن کی مٚرَه چوم بودؤخته بود، بٚفأمستٚده کی خوداوند او کأرٚ اَمرأ کی من بوکودم ایتأ پیغأم اوشأنَ فأدأندره.
12 من اوشأنَ بوگفتم: «اگه دوس دأریدی، می موزدَ فأدید و اگه نه فأندید.» پٚس سی‌تأ نوقره سکه اَمرأ می موزدَ فأدأده.
13 خوداوند مٚرَه بٚفرمأسته: «اَ پیله پولَ، کی تی ارزشٚ وأسی فأدأده تٚرَه، تأوٚد گوزه‌گرٚ ورجأ!» پٚس من او سی‌تأ نوقره سکه‌یَ فأگیفتٚم و اونَ خوداوندٚ خأنه میأن تأوٚدأم گوزه‌گرٚ ورجأ. 14 بأزون اویتأ عصأیَ کی «ایتحأد» نأم دأشتی بٚشکنِم کی نیشأن بٚدم کی یوهودأ و ایسرأییلٚ میأن برأری ایتحأد بٚشکفته بوبوسته. 15 بأزون خوداوند مٚرَه بٚفرمأسته: «ایوأردِه بوشو و ایتأ نأدأنٚ چوپأنٚ مأنستَن تٚرَه نیشأن بٚدٚن.»
16 اون مٚرَه بٚفرمأسته: «اَن نیشأن دِهه کی من قومأنٚ رِه، ایتأ چوپأن موشخص کونٚم کی نه اوشأنَ کی میرٚده‌یَ محل نِهه، نه بٚرّه‌یأنَ پأیِه، نه اوشأنَ کی زخم اوسأدٚدَ موعألجه کونِه، نه اوشأنَ کی سأق و سألیم ایسٚدَ خوردنی فأدِه و نه چولأقأنَ کی نٚتأنده رأ بٚشٚدَ خو کؤل رو نِهه؛ بلکی چلٚ چأقٚ گوسوٚندأنَ خوره و اَشأنٚ سومأنَ کنِه. 17 وأی اَ چوپأنٚ سٚر کی خو وظیفه‌یَ نأنِه و خو گله فیکر نییٚه! خوداوندٚ شمشیر اونٚ رأستٚ بأل و چومٚ رو بیجیر اَیِه و اونَ کور و علیلَ کونِه.»
सध्या निवडलेले:
زکریأ ۱۱: GCB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
The Gilaki Contemporary Bible is a Product of Transform Iran © 2024. All rights reserved. www.kelisayejame.org