زکریأ ۱۲
۱۲
اورشلیمٚ خلأصَ بوستن دونبألترأنٚ رِه
1 اَن خوداوندٚ پیغأم ایسٚه ایسرأییلٚ رِه. خوداوند کی آسمأنأنَ درندشت چأکوده و زیمینٚ پأکأرَ بٚنأ و اینسأنٚ روحَ بٚنأ اونی دورون، اَطؤچی گه:
2 «اورشلیمَ ایتأ سرأ گیج اَوٚره جأمٚ مأنستَن چأکونم او قومأنٚ وأسی کی همسأده ایسٚد، کی خوشأنٚ سپأهیأنَ اورشلیم و یوهودأ البأقی شهرأنٚ دؤرَ گیفتنٚ رِه اوسه کونٚده. 3 او وخت کی تومأمٚ دونیأ قومأن اورشلیمٚ ضد جمَ بٚد، من اورشلیمَ ایتأ پیله سنگٚ مأنستَن اوشأنٚ رِه چأکونم، کی هرتأ آدم بٚخأیٚه اونَ تکأن بٚده خودش شدتٚ اَمرأ زخم اوسأنٚه.»
4 خوداوند فرمأیه: «او روجٚ میأن، همٚتأ اسبأنٚ گیجَ کونٚم و اوشأنَ سوأرأنَ آزأری کونٚم. من یوهودأ خأندأنَ پأیٚم، ولی کوری مرضَ اَشأنٚ دوشمنأنٚ اسبأنٚ رو اِیگأنٚم. 5 بأزون یوهودأ رهبرأن خوشأنٚ دیلٚ میأن گده: اورشلیم آدمأن پور زور ایسٚد، چونکی یهوه صبایوت، اَشأنٚ خودا ایسٚه.
6 «او روجٚ میأن، یوهودأ رهبرأنَ ایتأ وٚل بیگیفته آتشٚ مأنستَن چأکونم، کی جنگلأن و کیشأورزی زیمینأنَ سوجأنِه. اوشأن تومأمٚ رأست و چپٚ قومأنَ کی همسأده ایسٚد سوجأنٚده و اورشلیمٚ آدمأن اَمنیتٚ میأن ایسٚده.
7 «خوداوند اورشلیمٚ جَا پیشتر یوهودأ البأقی شهرأنَ پیروزَ کونِه کی اورشلیمٚ آدمأن و او نتأج کی داوودٚ پأدیشأیی شین ایسٚد خوشأنٚ پیروز بوستنٚ جَا گولأز نوکونٚد.
8 «او روجٚ میأن خوداوند اورشلیمٚ آدمأنٚ جَا دفأع کونِه. اوشأنٚ میأن سوست‌ترین، داوود پأدیشأ مأنستَن پورزور بِه و داوودٚ پأدیشأیی نتأج خودا مأنستَن و خوداوندٚ فٚرٚشته مأنستَن پیشتر جٚه اوشأن دٚوأرٚده! 9 چونکی می تصمیم اَن ایسٚه کی تومأمٚ او قومأنَ کی اورشلیمٚ جنگستنٚ رِه اَیٚده جٚه بین بٚبرم.
اورشلیمٚ آدمأنَ عزأ گیفتن
10 «من داوودٚ قومأن و اورشلیمٚ آدمأنٚ رو دوعأ و فیضٚ روحَ فوکونٚم و اوشأن کی مٚرَه نیزه بٚزِده فأندٚرٚده و ایجور عزأ گیرٚدٚه کی گومأن بِه خوشأنٚ ایتأ دأنه زأکٚ رِه عزأ گیفتأندرٚد و اوندر مأتم گیرده کی اَنَ مأنِه اَشأنٚ پیله پٚسر بٚمٚرده دأره. 11 او روجٚ میأن، اورشلیمٚ دورون ایتأ پیله مأتم بٚپأ بِه او پیله مأتمٚ مأنستَن کی مجدونٚ سرزیمینٚ میأن هَدَد رِمّونٚ رِه بٚپأ بوکودٚد. 12 تومأمٚ اَ سرزیمین عزأ گیرٚدٚه، هرتأ طأیفه سیوأ: داوودٚ دودمأنٚ طأیفه سیوأ و اَشأنٚ زنأکأنٚم سیوأ؛ ناتانٚ دودمأنٚ طأیفه سیوأ و اَشأنٚ زنأکأنٚم سیوأ؛ 13 لاوی دودمأنٚ طأیفه سیوأ و اَشأنٚ زنأکأنٚم سیوأ؛ شِمعی طأیفه سیوأ و اَشأنٚ زنأکأنٚم سیوأ 14 و تومأمٚ او البأقی طأیفه‌یأن هرتأن سیوأ و اَشأنٚ زنأکأنٚم سیوأ.
सध्या निवडलेले:
زکریأ ۱۲: GCB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
The Gilaki Contemporary Bible is a Product of Transform Iran © 2024. All rights reserved. www.kelisayejame.org