زکریأ ۱۰
۱۰
یوهودأ نیجأت
1 خوداوندٚ جَا بٚخأیید بهأرٚ فصلٚ میأن وأرٚش بٚوأرأنه، چونکی اون ایسٚه کی اَبرأنَ اوسه کونِه و خٚیلی وأرٚش وأرأنِه کی کیشأورزی زیمینأن، پور جٚه مأصول بٚبد. 2 بُتأن و فألگیرأن اَطؤچی خأسته‌یَ نٚتأنده انجأم بٚدد. او رویأیأن کی فألگیرأن دینٚده و او خأبأن کی تعبیر کونٚده تومأم دورُغ ایسٚه و آدمأنَ جٚه رأ بٚدرَ کونِه. او دیلتسلأیی کی اوشأن دٚهٚده هیذره فأیده نأره. می دودمأن اَویرَ بوسته گوسوٚندأنَ مأنٚده، سبیل و سرگردأن و آوأرَه بوستٚده چونکی ایتأ شبأن نأرٚدٚه کی اوشأنَ رأنمأیی بوکونٚه.
3 «شیمی شبأنأنٚ رو می غیظ شؤأله کشِه و من اَ رهبرأنَ تِنبیه کونٚم؛ چونکی یهوه صبایوت بأمؤ کی خو گله ینی یوهودأیَ فأرٚس فوروس بوکونٚه و اوشأنَ جنگٚ میدأنٚ شین گولأز بوکوده اسبٚ مأنستَن پور زور چأکونٚه. 4 یوهودأ جَا زأویه سنگ، خیمه مِخ، جنگٚ کمأن و همٚتأ رهبرأن اَیٚده بیرون. 5 اَشأن یأرستنٚ اَمرأ کوچه‌یأنٚ چلٚ مأنستَن خوشأنٚ دوشمنأنَ لقد دٚمٚج کونٚده؛ جنگده و اسب سوأرأنَ زیمینٚ سٚر بیگیل زٚنٚده، چونکی خوداوند اَشأنٚ اَمرأ ایسٚه.
6 «یوهودأیَ قوّت دٚهٚم و یوسفٚ قومأنَ نیجأت بٚخشٚم. اوشأنَ رحمت کونٚم، اَشأنَ وأگردأنٚم خوشأنٚ مملکتٚ میأن. اَشأنٚ حأل و روج ایجور بِه کی گومأن کونی هیوخت اَشأنَ نٚنأم و نوشؤم. من اَشأنٚ خودا، یهوه ایسٚم و اَشأنٚ دوعأ جوأبَ دٚهٚم. 7 ایسرأییلٚ آدمأن او شوجأع جنگ کودن کسأنٚ مأنستَن ایسٚد. اوشأنٚ دیل اوندر خوشأل بِه کی گومأن کونی شرأبٚ جَا مستٚده. اَشأنٚ زأکأن اَ برکتأنَ خأطر اَوٚرٚده خوشألَ بٚده. اَشأنٚ دیل خوشألی کونِه جٚه اونچی کی خوداوند بوکوده. 8 اَشأنَ دؤخأنٚم، کس‌کسٚ ورجأ جمَ کونٚم. من اوشأنَ نیجأت دٚهٚم و اَشأن پیشترأنٚ مأنستَن زیأدَ بٚده. 9 هرچن کی اَشأنَ قومأنٚ میأن دأنه مأنستَن پخشٚ پلأ بوکودم، ولی اَشأن او دورٚ سرزیمینأنٚ میأن مٚرَه خأطر اَوٚرٚده. اوشأن خوشأنٚ زأکأنٚ اَمرأ زٚنده مأنٚده وأگرددٚه خوشأنٚ مملکتٚ میأن. 10 اوشأنَ مصر و آشورٚ جَا وأگردأنٚم، اَوٚرم جلعاد و لبنأنٚ زیمینٚ میأن و اَشأن تومأمٚ او سرزیمینَ پورَ کونٚد. 11 او وخت کی جٚه موشکلأنٚ دریأ میأن دٚوأرٚده، من موجأنَ زنٚم کنأر و نیلٚ روخأنٚ جولفٚ جیگأیأنَ خوشکَ کونٚم. گولأز بوکوده آشور، کوچیکَ بِه و پور زورٚ مصر، خو قودرتَ جٚه دٚس دِهه.»
12 خوداوند فرمأیه: «می قومأنَ می قودرتَ بٚخشم و اوشأنَ پورزور چأکونم و اَشأن می جَا ایطأعت کونٚده.»
सध्या निवडलेले:
زکریأ ۱۰: GCB
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
The Gilaki Contemporary Bible is a Product of Transform Iran © 2024. All rights reserved. www.kelisayejame.org