Амьдралынхаа утга учрыг олох нь – 3 дахь хэсэг: Үүнийгээ Есүст хэл!

"Тэднийг Эзэнээс тусламж гуйн хашхирахад Тэр та нарын болон египетчүүдийн хооронд харанхуй болгон, египетчүүдийн дээр тэнгисийг цутган, тэднийг бүрхсэн. Египетэд Миний юу хийснийг та нар өөрсдийн нүдээр харсан билээ." (Иошуа 24:7)

Бүтээгчтэй нь ярилгүйгээр цоо шинэ бүтээлийн учрыг та хэрхэн олох вэ? Бүтээл ч бас үүнтэй адил. Түүний бүтээлийг ойлгохын тулд; ялангуяа өөрсдийнхөө амьдралын учрыг олохын тулд Бүтээгчийн арга зам, бодлууд болоод зорилгуудыг ухаарах ёстой болдог.

Тийм учраас бид Бурханаар сонгогдсон хүмүүсийн түүхийг судалдаг. Египетэд боолчлолд тэднийг байхад нь Бурхан Мосе, Аарон нарыг босгон улмаар хүмүүс аврагдаж байсан хэдий ч египетчүүд тэднийг Улаан тэнгист шахсан хамгийн сүүлийн довтолгоогоо хийхийг нь Бурхан хүлээсэн. Өөрийнхөө хүмүүсийн итгэлийг барьж босгохын тулд, Өөрийнхөө тайтгарлыг тэднийг аврах замаар тэдэнд өгөхийн тулд энэ бүх зовлонг Бурхан зөвшөөрсөн, тэгснээр нэг л өдөр Бурханыг хайрлах тэр л хайр нь бусдад тайтгарал өгөхөөр асгагдан цутгагдахын тулд аж.

Гэвч Бурханы хүмүүс "Эзэнээс тусламж эрэн хашхирах" үед энэ хайр энэрэл, тайтгарал ирсэн болохыг анзаарна уу. Еврейчүүд Египетэд очих хүртлээ хамтдаа залбирсан талаар Библийн хаана ч бичсэн байдаггүй. Хүнд байдал л тэднийг Бурхан руу хашхирахад хүргэжээ. Эзэн тэднийг сонсоод, Тэр Мосед, "Мосе түргэн яв, ард түмнийхээ хашхирааныг Би сонслоо." гэж хэлэв. Энэ өмнө нь огт болж байгаагүй үзэгдэл байлаа. Энэ нь Абрахам хэзээ ч залбирч байгаагүй гэсэн үг биш; Бурханы хүмүүс хүндрэл туулах хүртлээ Бурханы гарыг хөдөлгөхүйц ийм төрлийн залбирлыг тэд өмнө нь хамтдаа хэзээ ч залбирч байгаагүй гэсэн үг юм.

Мөн үүнийг л Бурхан та бидэнд хүсдэг. "Таны бүхий л ивээл ерөөлийн төлөө Танд талархъя, гэхдээ Та миний Ёхова буюу Хангадаг Эзэн; Та миний цорын ганц Эх сурвалж. Би ямар нэгэн хүндрэлийг яг одоо туулж байгаа учраас итгэл минь сул дорой байгаа ч, Өө Бурхан минь ээ, Та ирээч, надад туслаач! Найдсаар байх хүч тэнхээг надад өгөөч!" гэж хашхирдаг хүмүүс байгаасай гэж Тэр биднээс хүсдэг.

Магадгүй та нулимсаа арчих шаардлагатай болсон үед ч хүртэл, Эзэн танд тэр хүч тэнхээг өгөх болно ; учир нь бид Түүнийг дуудах үед Тэр биднийг сонсох болно, залбиралд минь хариулах болно гэж Тэр амласан! Амьдралд маань Тэр хүндрэлүүдийг зөвшөөрдөг, тэгснээрээ нигүүлслийн хаан суудалд нь бид түргэн ирж, хэрэгцээтэй үедээ Түүнд хандан хашхирахын тулд аж.

Бурхан тэр хашхираан руу яаравчлан гүйдэг! Тэр танд туслах болно, тайтгаруулах болно мөн аврах болно. Учир нь эцэстээ, мэдрэмтгий байдаггүй, бусдыг дорд үздэг биш харин итгэл, хайраар дүүрэн хүмүүсийг Бурхан хайж байгаа учир нь тэд өөрсдөө тэр хүнд байдалд байх нь ямар байдгийг маш сайн мэддэг аж. Өөрсдийнхөө болоод бусдын хэрэгцээний төлөө Бурханд хашхирах нууцад суралцсан христитгэлтнүүдийг Тэр хайж байгаа.

Эцэст нь, амьдралынхаа утга учрыг хэрхэн олох ойлголт маань өсдөг! Хүнд газарт л Өөрийнхөө хүч чадлыг харуулдаг мөн таныг болоод намайг Өөрийнхөө хүссэн тэр хүн болгодог болохыг нь бид хардаг. Шүүгчдийг Бурхан хайж байгаа юм биш. Хэн ч хүнийг шүүж чадна шүү дээ. Үнэндээ, нийгэм маань шүүмжлэгчдээр дүүрэн байна. Үүний оронд, зовлонгийн галт зуухаар хэлбэржүүлэгдсэн, Есүсийн Нэрийг хэрхэн дуудахыг мэддэг, бусдад "Миний төлөө хийсэн зүйлээ Эзэн танд ч бас хийх чадвартай!" гэж хэлэх ятгалга болоод өөртөө итгэлтэй байдлын хамт асуудлаасаа гарч ирдэг энэ дэлхий дээрх чөлөөлөгчдийг Бурхан хайж байгаа.