Ариун Сүнсээр удирдуулсан амьдрал: Жон Пайпертай хамт хийх чимээгүй цагЗагвар

Ариун Сүнс нас барахад минь тусалдаг

Та нар Христийн нэрээс болж зүхэгдвээс ерөөлтэй. Учир нь алдрын ба Бурханы Сүнс та нарын дээр оршдог. -1 Петр 4:14

Корри тэн Бүүм хэрэв Германчууд намайг заналхийлбэл би тэдний өөдөөс сөрөн зогсож чадах боловуу хэмээн жоохон охин байхдаа ямар их санаа зовдог байсан талаараа ярьсан байдаг. Юу болох бол хэмээн бодох үедээ тэрээр маш сул дорой болсон мэт мэдрэмжийг олж авдаг байжээ. Түүний аав түүнд гайхалтай зүйрлэлийг өгүүлсэн байна. Тэрээр, "Галт тэргээр хол явах гэж байхад чинь би чамд тасалбарыг чинь гурван долоо хоногийн өмнө өгдөг үү эсвэл яг галт тэргэнд орж байхад чинь өгдөг үү?" гэж асуухад нь тэр ингэж хариулжээ, "Галт тэргэнд орж байхад минь өгдөг." "Тэгвэл өмнө нь биш харин үхэлтэй нүүр тулах үед чинь онцгой хүч чадлыг Бурхан чамд өгөх болно."

1 Петр 4:14 эшлэлийн дагуу хамгийн хүнд хэцүү зовлонгийн үед Өөрийнхөө хүүхдүүдэд өөрөөс нь гарах байх гэж огт мэдээгүй байсан тийм их зүрх зориг, итгэлийг өгөхөөр Бурхан ирэхээ амалсан гэж би итгэдэг. Ариун Сүнс нас барахад тань туслах болно.

Уламжлал ёсоор Паулын толгойг Цезарь авсан гэж хэлсэн байдаг. Паулын бичсэн сүүлчийн захидал нь 2 Тимот байсан боловуу. Түүний шүүлт аль хэдийнээ эхэлсэн. Хөгшин цэргийг төсөөлөөд үз, ахлагчийнхаа өмнөөс тулааны сорвийг авсан тэрхүү цэрэг Ромд баривчлагджээ. Түүнийг шүүхийн өмнө дуудав. Түүний өдрүүд нь тоологдсон болохыг бүх хүн сайн мэдэж байлаа. Тэрээр буруутгагдсан. Тиймээс найзуудаас нь түүний хажууд зогсох нэг ч хүн байхгүй. Өөрөө л өөрийгөө өмгөөлж байв. Дахин нэг удаа түүний юу хэлэхийг сонсох шийдвэр гарчээ - тэгээд бүх зүйл төгсөх болно. Тэрээр байрлах газартаа эргэн ирж улмаар эдгээр үгсийг Тимотод хандаж бичихдээ (2 Тимот 4:16-17), "Миний анхны өмгөөлөл дээр хэн ч надтай байхаар ирсэнгүй. Бүгд намайг орхижээ. Үүнийг нь тэдний эсрэг бүү тооцоосой. Гэвч Эзэн надтай хамт зогссон бөгөөд тунхаглалыг надаар дэлгэрүүлж бүх харийнханд сонсгохын тулд намайг тэнхрүүлсэн."

Эдгээр үгсийг та санах болтугай хэмээн би залбирч байна: Ариун Сүнс нас барахад тань туслах болно. Хэн ч таны хажууд байхгүй байх үед Тэрээр таны хажууд зогсох болно. Тэрээр итгэлийг тань бэхжүүлэх болно. Тэрээр танд алдрын хэсэгхэнээс харуулах болно. Үхэлтэй нүүр тулах үедээ Христийг алдаршуулахад Тэрээр таныг хүргэх болно. Та өөрөөсөө гарах байх гэж хэзээ ч бодож байгаагүй тийм зүрх зориг танд байх болно. Ариун Сүнсний болон Бурханы алдар таны дотор оршин байж, таныг гэр рүү тань хөтлөх болно.

Дэлгэрэнгүй: http://www.desiringgod.org/messages/the-holy-spirit-will-help-you-die