Ер бусын хүчээр ажил бизнесээ хийх ньЗагвар

Дахин амилсан хүнийг бүү цовдол

Бизнесээ ер бусын арга замаар хийх үед дахин амилсан хүнийг цовдлохыг хичээхгүй байх нь үнэхээр чухал. 

Хүлээгээрэй... юу гэнээ? 

Сайнмэдээний номуудад Есүс долоон удаа Өөрийнхөө дагалдагчдад өөрийгөө үгүйсгэ гэж тушаажээ. Үүнийг өөрсөд дээрээ төвлөрсөн, муу ёрын хүслүүдээ үгүйсгэн Хаанчлал ба Хааныг нэгдүгээрт тавих гэсэн утгатай гэж би ойлгодог. 

Ром номын 6-8-р бүлгүүдэд дахин амилсан амьдралын талаар 40 гаруй удаа Паул дурджээ. Үлдсэн амьдралынхаа туршид Есүсийн дахин амилсан хүч дотор амьдрах бол...бидний амьдралын дуудлага мөн. 

"Гэхдээ хүлээгээрэй, Баптисм хүртээгч Иохан, 'Тэр өсөж, харин би буурах ёстой' гэж хэлсэн шүү дээ. Энэ бидний залбирал байх ёстой биш гэж үү?" гэж хэн нэгэн хэлэхийг нь би сонсож байна. 

Ер нь бол би тэгж бодохгүй байна. Хамгийн агуу эш үзүүлэгч болох Иохан, Есүсийн хэлсэнчлэн, эцсийн өдрүүдийг энд харуулжээ. Хуучин Гэрээний хаалт хэсэг гэсэн үг. Хууль ба Эш үзүүллэгүүдийн төгсгөл үе гэсэн үг. Иохан ба түүний мессэж түгээгдэхэд бэлэн болсон байв. 

Есүсийн үхэл ба дахин амилалт хүн төрөлхтний цоо шинэ үеийг урин авч ирэх болно. Цоо шинэ төрлийн бүтээл гарч ирэх гэж байна: Бурханыг дотроо агуулсан хүн. Та бол тэр хүн мөн. 

Тэгэхээр магадгүй таны анхаарал төвлөрөлт өөрчлөгдөх хэрэгтэй байх. Дотроо устгавал зохих зүйл юу болох дээр төвлөрөхийнхөө оронд Ариун Сүнс таны дотор юуг өсгөхийг хүсэж буйг харах цаг магадгүй ирээд байна. (Гэмийг устгахад анхаарлаа төвлөрүүлэх нь бүтэлтэй болдог зүйл биш. Есүсийг хайрлах хайраа өсгөх дээр анхаарлаа төвлөрүүлэх бол гэмийг анагаах цорын ганц арга мөн.) 

Хувиа хичээсэн байдлаа устгахад та бид дуудагдсан хүмүүс мөн. Харин бидний дотор хутгах Ариун Сүнсийг хүсэх хүслийг устгахаар дуудагдаагүй юм. Та бол өнөөдөр дэлхий дээр амьдарч буй гадаад, бие махбодиорх Есүсийн илрэл юм. Ариун Сүнс таныг бээлий мэт өмсдөг. 

Эзэн таны сонголтууд, таны хүслүүд, таны мөрөөдлүүд, авъяасууд, зан араншин ба харагдах байдлыг ашиглах болно. Өнгөрсөн олон жилийн туршид би үүн дээр төөрөлдсөөр ирсэн. Бизнест амжилт олох хүсэл маань устгах хэрэгтэй хувиа хичээсэн байдлын маань нэг хэсэг гэж би бодсон байлаа. "...харин би буурах ёстой." Гэвч энэ бол шашинаас ангид-ариун гэсэн хоёр хэсэгт хуваагддаг гэсэн худлын нэг хэсэг байсан болов уу. Энэ нь дайсны дуу хоолойгоор тэжээгдсэн байдаг аж. 

Сүнсээр дүүргэгдсэн итгэгчид бизнес, шинийг санаачлах, технологи, загвар, урлаг, дуу хөгжимд тэргүүлэгчид байх ёстой. Гэвч хэрэв бид дахин амилсан хүнийг алахаар хичээх үедээ хэзээ ч үүнд хүрч чадахгүй. 

Мөн хэрэв бид хэн нэгэнд атаархсан байдалтай байх юм бол үүнд хэзээ ч хүрэхгүй. Хэрэв та өөрийнхөө амьдрал дахь Бурханы дуудлагыг, таныг гэсэн Бурханы хайрыг мөн таниар дамжуулан диваажинг дэлхий дээр авч ирэх Бурханы хязгаар үгүй чадварыг ойлгох юм бол өөр хэн нэгэн байхыг та хэзээ ч хүсэхгүй байх болно. Өгүүлбэрийг дахин нэг уншаад энэ талаар бодоод үз. 

Тэгэхээр ямар хүслийг Бурхан таны дотор байршуулсан бэ? Есүс таны дотор дахин амилуулахыг хүсэх хүслээсээ та няцсан байна уу? Өнөөдөр ямар цоо шинэ мөрөөдлийн араас таныг хөөцөлд гэж Тэр хүсэж байна вэ? Бүрэн хувь заяа, дуудлагынхаа дотор алхан, амьдралаа бүрэн утгаар нь таныг амьдраасай гэж би залбирч байна. Тэр алдрыг хүртэх бөгөөд амьдралынхаа хамгийн агуу аяныг та туулах болно! 

Таны гуйх эсвэл төсөөлөх зүйлээр Тэр хязгаарлагддаггүй гэдгийг санаарай. (Ефес 3:20-21)