Ер бусын хүчээр ажил бизнесээ хийх ньЗагвар

Дэлхий дээр Тэнгэрт байгаа мэт байх нь

Өчигдөр бидний сурсан зүйл бол бизнес хийдэг хүмүүсийн хувьд бид Эзэнээс нэгдүгээр зэрэглэлийн дуудлага авсан хүмүүс юм. Бидэнд тусламж эрж хашхирсан, эмтэрхий ертөнцөд Бурханы хүчийг өвөрмөц агаад хүчирхэг арга замаар харуулах боломж бий. Мөн энэ нь бидний залбирахад нөлөөлөх ёстой.

Бид Эзэний залбирлаар залбирдаг. Гэхдээ энэ нь яг юу гэсэн үг вэ? Мөн энэ нь бидний ажил бизнест ямар утга учир агуулгатай юм бол?

Энэ нь хэрвээ тэнгэрт холбогдоогүй юм бол дэлхийд ч гэсэн холбогдоогүй гэсэн үг. Хэрвээ тэнгэрт холбогдоогүй юм бол миний амьдрал, миний гэр бүл, миний ажил бизнест ч холбогдоогүй гэсэн үг. Үүнд үл уучлал, хэрүүл маргаан, бизнес дэх бүтэлгүйтэл ч багтана. Муу ажилтан, муу дарга нар ч үүнд хамаарна. Чанаргүй ажил, муу хэрэглэгчийн үйлчилгээ ч үүнд орно. Эдгээрийн аль нь ч Бурханы төлөвлөгөө биш юм.

Тэгвэл тэнгэрийн хаанчлал дэлхийн хаанчлалыг байлдан дагуулбал юу болох бол?

Бурханы хүсэл тэнгэрт шигээ газар дээр хийгддэг. Хүмүүс, бизнес, ойрын хүрээлэл өсөн дэвждэг. Соёл сайн нөлөө бий болдог. Үйлчлүүлэгчид хэрэгтэй бүтээгдэхүүн үйлчилгээгээ хүртэж, бизнесийн эзэд болоод ажилтнууд өсөж хөгждөг.

Есүсийн алдар, хайр, хүч чадал танигддаг. Ажилтнууд шаргуу ажиллаж, илүү сайн эхнэр/нөхөр, эцэг эх, найз, чуулганы гишүүн болж, өөрчлөгддөг. Энэ ертөнцийн хэв загвар нь эх загвар болох Еден цэцэрлэгтэй улам илүү төстэй болдог.

Бидэнд энэ зүйл тодорхой болох үед бид өөрөөр залбирч эхэлдэг. Бизнес удирдаад хэдэн арван жил болохдоо би евангелизм, өвчин эмгэг болон чуулганы өсөлтийн талаар залбирдаг байлаа. Би гэр бүл, найз нөхдийнхөө төлөө залбирдаг байв. Гэтэл би намайг бизнесээ амжилттай явуулахад минь туслаач хэмээн Бурханаас гуйн залбирахад ичгэвэртэр санагддаг байв. Энэ бол миний өчигдөр ярьсан худал ялгаа заагийн нэг хэсэг байсан. Таны залбирлын амьдрал энэ худал хуурмагийн гарт зовж байна уу?