Өдөр тутмын амьдралдаа Эзэний дуу хоолойг Мөнхийн улсаас сонсох ньЗагвар

Таны хэрэгцээ бүрийг Тэнгэрлэг Эцэг тань мэддэг.

Товчхоноор хэлэхэд Найробид өсөж торних тийм ч амар байгаагүй. 1990-ээд оны үед бүх зүйл тодорхой бус байлаа. Бослого хаа сайгүй байсан бөгөөд зонхилох нам ба шаардлага тавих олон намын ардчиллын хоорондын зөрчилдөөнөөс эдгээр бослогууд гарч байв. Бослогын үеэр ядуу зүдүү хүмүүс хамгийн ихээр хохирдог. Өдөр тутмын хэрэгцээгээ хангахын тулд ядуу зүдүү хүмүүс хомсхон орлогоосоо хамаарах бөгөөд ийм зөрчилдөөн нь хэрэгцээ бүхий хүмүүсийг улам ч ихээр зовоодог.

Үүний үр дүнд, бүр багаасаа л хэрхэн хүлээхэд нөхцөл байдал намайг хүчилсэн юм.

Эерэг үр дүн гарах нь тодорхойгүй байх үед хүлээх нь асар хэцүү зүйл байх боломжтой. Аав минь цагийн хөлсний цалинтай байсан учраас үндсэн хэрэгцээгээ хангахаар бид түүний өдрийн цалингаас бүрэн хамаардаг байв. Хэрэв аав минь ажиллах юм бол бид хоолтой байдаг байлаа. Ажил олдохгүй байх юм бол бидэнд идэх хоол ч байдаггүй байсан.

Аав минь гэр бүлийн чимээгүй цагийн судлалын үеэр нэгэн орой бидэнд Матай 6:25-34-ийг уншиж өгсөн. Есүст найдвараа тавих ямар чухал болохыг аав минь онцолсон. Амьдралын тодорхойгүй нөхцөл байдалд найдварыг Есүсийн хэлсэн эдгээр үг надад өгсөн юм. Гэр бүл болохынхоо хувьд, хэрэгцээ бүрийг маань тэнгэрлэг Аав минь мэддэг гэсэн баталгаанд бид амар тайван байдаг байлаа. Есүсийг таньж мэдэх, амьдралдаа байлгах л хангалттай байв.

Тэнгэрлэг Аав минь хэрэгцээ бүрийг маань мэддэг. Ямар гайхалтай зүйл вэ? Бүхний бүтээсэн тэр л Бурхан хэрэгцээ бүрийг маань онцгойлон хангадаг аж.

Тэр хангах болно гэдэгт эргэлзэх амархан байдаг. Санхүүг маань Тэр хангахгүй бол яах вэ? Эрүүл мэнд, гэр бүл гэх мэтээр [санаа зовж буй зүйлээ энд оруул] эдгээр зүйлсийг минь Тэр хангахгүй бол яах вэ? Юунд санаа зовж байгаагаас үл хамааран Эзэнд найдахад суралц. Бурханы хариултыг хүлээж байх үедээ өдөр бүр Бурханы Үгийг уншихад бас дагахад өөрийгөө бүрэн зориул.  

Хүлээлтээр минь дамжуулан найдвар маань хүчирхэгждэг. Бурханы хүүхдүүд болохынхоо хувьд хүүхдүүдийнхээ хэрэгцээг дуртайяа хангадаг итгэмжит болоод хайрын Бурханаа бид хүлээдэг. Аврагчдаа хандан ийнхүү залбир: “Хайртай Эзэн минь ээ, хүүхэд тань болохынхоо хувьд, ирээдүйнхээ талаар би санаа зовох гээд байдаг билээ. Гэхдээ өнөөдөр би найдвараа Танд тавьж байна, учир нь Та бол миний амьдралд итгэмжтэйгээр мөн тууштай байдаг Нэгэн. Амен.”