Христитгэлтний итгэдэг 9 нийтлэг худал: 3 цувралын 1 дэх хэсэг Загвар

Хмм, _____________ хэзээ ч өөрчлөгдөхгүй. 

Есүсийн дагалдагчдыг урмаар хугалахын тулд чөтгөрийн ашигладаг хамгийн том худлын нэг бол “____________ хэзээ ч өөрчлөгдөхгүй.” Энэ хоосон зайнд таны хувьд хэний нэр бичигдэж байна вэ? Магадгүй энд таны хамгийн хайртай, санаа тавьдаг хүний нэр бичигдсэн байж болох юм. Магадгүй энэ хүн таны хүүхэд, ач, эцэг эх, ах эгч, эсвэл бүр таны хамгийн сайн найз ч байж болно. Тэр хэзээ ч өөрчлөгдөхгүй гэж та итгэсэн учраас таны найдвар тасарсан байж болох юм. 

Харин нөгөө талаар, хоосон зайнд бичигдсэн хүн таны уур хилэн, зэвүүцлийг хүргэдэг хүн байх боломжтой. Тэр үнэхээр бүтэхгүй хүн гэж та боддог байж болох юм. Тэр нүгэл үйлдэхдээ гэмшдэггүй, гаднаас нь харахад ч тэр хүмүүст нээх санаа тавиад байдаггүй нь илт. Өөрөө хүмүүст хэрхэн нөлөөлж байгаагаа ч тоодоггүй. Магадгүй түүнд урам хугарсан үедээ та түүнийг болон түүний хийдэг үйлдлийг нь маш муу гэж дүгнэсэн байж болох юм. Энэ хүн магадгүй таны салсан эхнэр юмуу нөхөр, шударга бус захирал, ядаргаатай хөрш, эсвэл бүр хүмүүст санаа тавьж тэдний төлөө ажиллах ёстой дэлхийн хэмжээний удирдагч ч байж болох юм. Тэр хүмүүсийн хийж байгаа үйлдлийг хараад энэ хүн хэзээ ч өөрчлөгдөхгүй гэж хэлэх амархан байдаг. 

Энэ хоосон зайнд таны хувьд хэний ч нэр бичигдсэн бай нэг бол таны хайрладаг хүн эсвэл таны дургүйг хүргэдэг хүн, эсвэл бүр энэ хоёр сэтгэл хөдлөлийг аль алийг нь зэрэг мэдрүүлдэг ч хүн байж болох юм. Хэрвээ та тэр хүнийг хэзээ ч өөрчлөгдөхгүй гэсэн бат итгэлтэй байгаа бол, тэр хүн биш та өөрчлөгдөх цаг нь болжээ. Та худал зүйлд итгэж байгаагаа ойлгох цаг нь болсон байна. Та буруу газарт анхаарлаа хандуулж байнаа гэсэн үг. Боломжгүйг боломжтой болгогч Бурхан дээр биш боломжгүй хүн дээр анхаарлаа хандуулсан байна. Та харж байна уу, “Хоосон зайнд хэний нэр бичигдсэн бэ?” “Та хэнд итгэдэг вэ?” Бурхан бол түүний бүтээгч, Бурхан түүнд хайртай хэвээр бас түүнийг өөрчлөх хүч Түүнд бий. Хэн ч Бурханаас холдож чадахгүй. Бурханы гайхамшигт нигүүсэл хийгээд хүч чадлаас нь ангид байдаг хүн гэж үгүй.

Тунгаан бодох асуултууд: 

Хоосон зайнд хэний нэр бичигдэж байна вэ? Бурхан өөрчлөлт хийж чадахгүй гэж бодож байсан удаа танд байгаа юу?

Эзэн дотор эрэл хайгуул хийж тунгаан бодох цаг гаргаарай. Та үнэхээр тэр хүнийг өөрчлөхийг хүсэж байна уу? Тэр хүн таны амьдралд ахин орж ирвэл та түүнийг хүлээж авах уу? Яг одоо зогсоод хоосон зайнд нэрийг нь бичсэн хүнийхээ төлөө залбираарай.

Үнэн: 

Бурханд боломжгүй зүйл гэж үгүй. Түүнд хүмүүсийг өөрчлөх хүч бий тэгснээр хүмүүс Түүний төлөвлөсөн гайхамшигт амьдралаар амьдарч эхэлдэг.