ХААН БОЛСОН ЕСҮС: Timothy Keller-ын эрхлэн гаргасан Дахин амилсан баярт зориулсан чимээгүй цагЗагвар

"Амилуулагдаагүй үхэгсэд"

Есүс Өөрийн дагалдагчиддаа хандан ийнхүү хэлсэн, "Би гуравдахь өдөр дахин амилах болно." Тэрээр үүнийг Марк 8, 9,10-р бүлгүүдэд дахин дахин хэлсэн байдаг.

Үүнээс харахад ямар нэгэн зүйл гарцаагүй болж байсан нь тодорхой харагдаж байна. Есүсийг нас барсны дараа гуравдахь өдөр нь, тэнд эрэгтэй дагалдагчид байхгүй байсан бөгөөд; тэдгээр эмэгтэйчүүд хүрч ирсэн боловч тэд өөрсдийнхөө хамт үнэтэй үнэртнүүд болон амтлагчдыг уламжлалын дагуу үхсэн хүний биед түрхэхээр авч ирсэн. Тэднээс хэн ч дахин амилалт болох болно гэж бодоогүй байсан. Хэрэв та сайнмэдээг бичсэн, үнэмшилтэй зохиол бичихийг хичээж буй, гуравдахь өдөр нь дахин амилах болно гэдгээ Өөрийн дагалдагчиддаа дахин дахин Есүсийн хэлэхийг нь сонссон Марк байсан бол, дор хаяж нэг дагалдагч энэ талаар бодсны үндсэн дээр Есүсийг нас барсны дараа бусаддаа хандан, "Хөөе, өнөөдөр гуравдахь өдөр шүү дээ. Магадгүй бид явж Есүсийн булшийг харах хэрэгтэй байх аа. Бид юу алдах вэ дээ?" гэж хэлэхээр бичихгүй байсан гэж үү. Тэгсэн бол энэ үнэхээр ухаалаг зүйл байх байсан. Гэвч ийнхүү хэн ч хэлээгүй. Үнэн хэрэгтээ, тэд дахин амилалт болно гэж төсөөлөөчгүй байсан. Энэ үнэхээр боломжтой зүйл мэт тэдэнд санагдаагүй. Хоосон булшны дэргэдэх тэнгэрэлч тэдгээр эмэгтэйчүүдэд сануулах шаардлагатай байсан: "Айлдсаных нь дагуу тэнд та нар Түүнийг харах болно." Хэрэв Марк энэ түүхийг санаанаасаа зохиосон юм бол, тэрээр үүнийг ийм байдлаар бичихгүй л байх байсан.

Үүний гол санаа гэвэл энэ байна: Дахин амилалт нь хамгийн анхны дагалдагчдын хувьд итгэхийн аргагүй, өнөөдөр ч бас бидний ихэнхийн маань хувьд тийм байдаг байж болзошгүй зүйл байсан. Тэдний шалтгаан нь биднийхээс өөр байхыг анхааралдаа аваарай. Грекүүд дахин амилалтад итгэдэггүй байсан; Грекчүүдийн ертөнцийг үзэх үзлээр бол үхсэний дараах амьдрал нь сүнсийг махан биенээс ангижруулалт байсан. Тэдний хувьд дахин амилалт бол үхсний дараах амьдралын нэгэн хэсэг байх ямар ч боломжгүй. Иудейчүүдийн нэгэн адилаар, тэдний зарим нь бүх дэлхий тэр чигээрээ шинэчлэгдэх үед ирээдүйд бүх зүйл дахин амилах болно гэдэгт итгэдэг байсан боловч тэдний хувьд хүн үхлээс дахин амилна гэсэн ойлголт огт байгаагүй. Есүсийн үед байсан хүмүүс биднээс илүүтэйгээр дахин амилалтад итгэдэг хүмүүс байгаагүй.

Таны хувьд Есүс үхлээс дахин амилсан гэдэгт итгэхэд хэцүү байдаг уу? Есүсийн дахин амилалт таньд ямар итгэл найдварыг өгдөг вэ?

Timothy Keller-ын ХААН БОЛСОН ЕСҮС-ээс эш татав
Penguin Group (АНУ) ХХК, A Penguin Random House Company-ын гишүүн болох Riverhead Books-ын найруулсанчлан дахин хэвлэсэн болно. Timothy Keller-т зохиогчийн эрх олгогдсон © 2011

Timothy Keller болон Spence Shelton-д HarperCollins Christian Publishers-ын хэлтэс болох Zondervan-с олгогдсон зохиогчийн эрх (c) 2015 бүхий ХААН БОЛСОН ЕСҮС БИБЛИ СУДЛАЛЫН ГАРЫН АВЛАГА-аас мөн ашигласан болно.