Өөрсдийнхөө зүрх сэтгэлийг Дахин амилсан баярт бэлтгэх: Лентийн чимээгүй цагЗагвар

"Өдөр 34: Зөгнөл"

Иохан сайнмэдээнийхээ ихэнхийг Есүсийн амьдралын сүүлийн зургаан өдрүүдэд зориулсан байдаг. Иохан 12-р бүлэгт Есүс “ямар үхлээр үхэхээ” зөгнөсөн — энэ ертөнцийн захирагч зайлуулагдах болно, Есүсийг загалмай болон булшны айдсаас ялалт дотор дахин амилуулахаа мөн бүх хүнийг Өөртөө татна гэж зөгнөсөн (эшлэл 32). Гэвч Тэрээр энд мөн Өөрийг нь дагах бас Өөрийнх нь дагалдагчид хэмээн олонд танигдах бүх хүмүүст хандан холч үлгэр дуурайллаа дахин давтан хэлдэг.

Иохан номонд дурьдсанчлан үйлчлэлийнхээ эхэн үеүүдэд Есүс Өөрийн “цаг” болох —Түүний туулах зовлон бас ертөнцийн гэмийн төлөөх үхлийн тэр товлосон цагийн талаар битүүхнээр хэлсээр байсан. Гэсэн хэдий ч энэхүү доромжлолоор дамжуулан хүн төрөлхтөнд Бурханы “Алдрыг” хачирхалтайгаар цацруулдаг. Зөвхөн Христийн энэ дэлхий дээрх үйлчлэлээр зогсолгүй мөн Түүний үхлээр ч бас Бурхан "Өөрийн Нэрийг алдаршуулдаг”. Иохан энэхүү үнэнийг “бид Түүний алдар сууг үзсэн. Энэ нь Эцэгээс цор ганц Төрөгчийн алдар бөгөөд … нигүүлсэл ба үнэнээр дүүрэн юм” (1:14) хэмээн эртнээс зөгнөн дүгнэсэн байдаг.

Мөн гайхалтай зүйл гэвэл яг л бидний адил хүний биеэр төрсөн бидний мэдэх Есүс, Өөрийн үзэж туулах гэж буй шаналгааг мэдэрч эхлэх үедээ “сэтгэл минь одоо шаналж байна” (эшлэл 27) хэмээн шударгаар хүлээн зөвшөөрдөг. Тодорхойлохын аргагүй өвдөлттэй нүүр тулах үедээ Бурханд бууж өгөх үедээ, Бурханы алдар юунаас ч чухал болохыг мэдсэн хүнийг үүнээс бид төсөөлөн харах боломжтой. Энэ нь мөн дагалдагчдад ч бас сурахуйц зүйл болж хувирсан.

Үр бол үхэж байж л үр дахин гаргадаг амьд зүйл бөгөөд; тэдгээр нь ирээдүйн амьдралын амлалтыг өөртөө агуулдаг. Өнгөцхөн харвал, дэлхийн хувьд Христийн үхэл нь гамшиг мэтээр харагдах хэдий ч “газар” унаснаараа (эшлэл 24) Тэрээр дагалдагчдыг босгон “олон хөвгүүдийг цог жавхланд” авчрах боломжтой болсон юм (Еврей 2:10). Гэсэн хэдий ч, Христийг дагах нь золиос шаарддаг: хамгийн анхны дагалдагчдын ихэнх нь тарчилсан үхлээр үхсэн нь Тертуллианыг “гэрчүүдийн урсгасан цус бол сүмийн үр мөн” хэмээн дүгнэхэд хүргэсэн юм. Христийн дагалдагчид Христ доторх “амьд найдвар”-ыг олж авахын тулд (1 Петр 1:3-5) өөрсдийн махан бие дотроо үргэлж “үхэх” ёстой. “Христ хэн нэгнийг дуудах үедээ түүнд Өөр рүү нь ирж улмаар үхэхийг санал болгодог”: хэмээн дагалдагч байх талаарх Dietrich Bonhoeffer-ын хэлсэн ажиглалт нь гарцаагүй үнэн.

Залбирал

Дахин амилсан Эзэн, биднийг хайрласан хайрандаа гэмээс биднийг аврахын тулд Та үхсэн. Энэхүү үнэн нь бидэнд даруу байдлыг өгч, үргэлж Таныг магтахад биднийг хөтлөн, мөн Таны хайраар дүүрэн хүсэлд бүрэн бууж өгсөн амьдралаар амьдрах зоригийг бидэнд өгөөсэй хэмээн бид залбиран гуйж байна. Нигүүлсэл дотроо энэ бүхнийг биелүүлж өгөөч, энэ бүхнийг бид Таны нэрээр залбиран гуйж байна. Амен.

Зохиогчийн эрх 2012 Redeemer Presbyterian Church-д олгогдсон.