Онцгой сайн үйлчлэлЗагвар

Бурханы сайныг тунхаглах

Ажил үйлсийн зорилго нь бидний амьдралын зорилго, тухайлбал хийж буй бүх зүйлээрээ Бурханыг алдаршуулахаас ялгаатай биш юм (1 Коринт 10:31). “Алдаршуулах” гэдэг үгийг бид их хэрэглэдэг учраас энэ үгийг тодорхойлоход хэцүү байх магадлалтай. Жон Пайперын хэлснээр Бурханыг алдаршуулна гэдэг нь ердөө л “Түүний Агуу байдлыг харуулах” эсвэл Түүний зан чанарыг бусдад илчлэн харуулах гэсэн үг.

Тэгэхээр, хэрэв бидний үйлсийн зорилго нь Эзэний зан чанарыг ертөнцөд илчлэх юм бол Тэр яг ямар зан чанаруудтай вэ? Библид Бурханыг олон арга замаар тодорхойлсон байдаг ч бидний хувьд хамгийн ил тод харагддаг Бурханы зан чанар нь Тэр бол хамгийн сайнаар Бүтээгч билээ. Та Гранд Канион хавцлыг ширтэн харахдаа Бурханы энэ гайхалтай бүтээлд гайхширахгүй байхын аргагүй. Та амьтны хүрээлэнд очоод Бүтээгч Бурханы гайхамшигт бүтээлүүдийг харахдаа талархахгүй байхын аргагүй. Сая сая эсийн нийлбэрээс үүдэн бий болсон амьд хүүхдийн гараас атгахдаа та Бурханы бүтээлийг гайхан ширтэхгүй байхын аргагүй. Өчигдрийн эшлэлээс бидний харсанчлан, Бурханы төгс сайн зан чанар нь ертөнцөд амьдарч байсан Есүсийн амьдралд ч мөн гэрэлтэж, тэр үеийнхэн “Тэр бүх зүйлийг сайн хийсэн” гэж гайхаж байсан. Бид Эрхэм дээд Бурханд мөргөдөг. Төгс Бурхан. "Маш сайн" гэдэг нь орчлон ертөнцийг бүтээсэн Бурханыг тодорхойлоход хэтэрхий түгээмэл хэрэглэгддэг үг юм. Гэхдээ энэ бол энгийн мөнх бус хүмүүс ойлгож тэдэнд хүрэх хамгийн боломжит үг гэж найдаж байна.

Бурханы хүүхдүүдийн хувьд бид онцгой Эцэгийнхээ дүр төрхийг тээгч байхаар дуудагдсан. Ефес 5:1-д Паул чуулганд хандан“хайрлагдсан хүүхдүүд адил” “Бурханыг дуурайгчид” байхыг захисан. Энэ эшлэлийн талаар теологич Андреас Көстенбергер хэлэхдээ, "Бурханы төгс сайн чанарт бид хэрхэн хандах ёстой вэ? Товчхондоо, бид үүнийг дуурайж, дуурайхыг л эрэлхийлэх ёстой...Бурханаас аврал авсан хүүхдүүдийн хувьд бид Бурхантай адил байхыг хичээх хэрэгтэй. Үүнд төгс сайн байхыг чармайн хичээх багтана гэсэн үг." Жон Пайпер үүнийг ингэж хэлсэн: “Бурхан намайг болон таныг амьдралын бүхий л талбарт Түүний төгс сайныг харуулж Түүнийг алдаршуулж амьдрах хүсэл эрмэлзэлтэй байхаар бүтээсэн.” 

Өөрөөр хэлбэл, бид Түүний төгс сайн зан чанарыг дуурайснаар Бурханыг алдаршуулдаг бөгөөд ингэхдээ “харанхуйгаас та нарыг Өөрийн гайхамшигт гэрэлд дуудсан Түүний давуу чанаруудыг тунхаглах” (1 Петр 2:9) үед Бурхан алдаршдаг. Бид сайн, үнэн зүйлийг эрж хайдаг харанхуйгаар хүрээлэгдсэн ертөнцөд амьдарч байна. Христийн гэрлийг гэрэлтүүлэхэд бидний сонгосон ажлаас илүү нөлөө бүхий зүйл гэж амьдралд үгүй. Бид ажил үйлсдээ сайн байснаар Бурханыг алдаршуулж, түүний төгс төгөлдөр чанаруудыг ертөнцөд тунхаглах гайхалтай боломж бидэнд байдаг. Та урам зоригтойгоор энэ өдөр ажлаа сайн хийгээрэй!