Төлөвлөгөөний мэдээлэл

Есүсийн Дахин Амилсан Баярын түүхЗагвар

7-с 7 дахь өдөр

НЯМ ГАРАГ

Энэхүү гайхалтай өдөр, бид загалмай, хоосон булш, бидэнд өгөгдсөн бүхий л зүйлсийн талаар тунгаан бодоход цаг гаргах болно. Мѳн "явж, бүх үндэстнийг дагалдагч болгогтун" хэмээх энэ өдөрт маань өгөгдсөн агуу тушаалын талаар бас тунгаан бодоцгооё. Есүсийн дагалдагч нартаа хүргэсэн нигүүлслийн сайнмэдээ нь зөвхөн хүлээн авах бус харин бусдад дамжуулахын тулд өгөгджээ. Есүс дагалдагч нартаа шинээр дагалдагч бэлтгэж үр жимс ургуулахад шаардлагатай бүхнийг өгөв. Дагалдагч болсон хүмүүс хэрхэн дагалдагч бэлтгэж байснаас харахад энэ нь амжилттай болсныг бид үгүйсгэх аргагүй. Ийн үргэлжилсээр хоёр мянгаад жилийн нүүрийг үзжээ. Гэвч магадгүй өнгөрсөн үе удам бүрт, ялангуяа өнөө үед бидний тунхаглаж байгаа сайнмэдээ нь ямар нэгэн сул дорой хүчгүй зүйл болон хувирах нь элбэг байдаг. Жинхэнэ үр жимс ургуулахын оронд бид үргүй усан үзмийг ургуулдаг. Өнѳѳдѳр бид хүлээн авсан нигүүлслийнхээ төлөө Бурханд магтаал талархалыг өргөхдөө, тэрхүү нигүүлслээ бусдад улам илүүгээр хүргэн улмаар Агуу Тушаалын дагуу амьдрахын төлөө хичээнгүйлэн залбирцгаая.

Бичээс

Матай 26

Матай 27

Матай 28

Ѳдѳр 6

Энэ төлөвлөгөөний тухай

Амьдралын тань сүүлийн долоо хоног гэдгийг мэдэж байсан бол та үүнийг хэрхэн өнгөрөөх байсан бэ? Есүс Христ махан биеэр энэ дэлхий дээр байх сүүлийн долоо хоног нь дурсамжит мөчүүд, эш үзүүллэгийн биелэл, чин зүрхний залбирал, гүн хэлэлцүүлэг, чухал үйлс болон дэлхийг өөрчлөх үйл явдлуудаар дүүрэн байжээ. Дээгүүр өнгөрөх баярын өмнөх Даваа гарагт эхлэхээр энэхүү төлөвлөгөө нь зохиогдсон бөгөөд таныг өдөр бүр Сайнмэдээний дөрвөн номын бүлгүүдээр тэрхүү Ариун долоо хоногоор хөтлөн дагуулах болно.

Юуны өмнө Life.Church-д энэхүү төлөвлөгөөний төлөө талархъя. Та Life.Church-н талаар улам ихийг мэдэхийг хүсвэл www.Life.Church-д зочилно уу

Нийтлэгчийн талаар