Христ мэндлэх үеийн дүр зурагЗагвар

Жоохон байх үеэ эргэн санана уу. Одоо байгаа насанд хүрээд ямар хүн болно гэж та төсөөлж байсан бэ? 5, 10, 25 жилийн дараа амьдрал ямар байх болно гэж та төсөөлж байна вэ? 

Бидний ихэнхийн хувьд ирээдүйн талаар бодох нь өөр өөр сэтгэл хөдлөлүүдийг авч ирдэг. Амьдралдаа ямар алхмыг хийхээ мэдэхгүй байгаа хүний хувьд ирээдүйн талаар бодох нь айдас төрүүлэм байж болно. Ямар замаар явахаа аль хэдийнээ шийдсэн хүний хувьд зорилгодоо хүрэхийн тулд хийх сэтгэл догдлом зүйл нь энэ байх боломжтой. Гэхдээ амьдрал тань төсөөлөөгүй байсан зам руу эргэвэл яах вэ? 

Эзэний тэнгэрэлч үзэгдэн, сүйт бүсгүй нь хүү төрүүлэх болно гэдэг мэдээг дуулгахад Иосеф ийм байдалд орсон. Мариатай гэрлэх нь Бурханы Хүүг өөрийн хүү мэт өсгөх хариуцлагыг агуулсан гэдгийг Иосеф төсөөлөөч үгүй байсан нь лавтай. 

Энэ нь хэт ахадсан хариуцлага мэт санагдах нь гарцаагүй, учир нь энэ бол үнэхээр том хариуцлага мөн! Гэхдээ Иосеф зөвт хүн байсан бөгөөд Бичээс дээрээс бид түүний талаар тийм ч ихийг олж уншдаггүй хэдий ч тэр баяр хөөртэйгөөр Мариатай сүй тавьсан хэвээрээ байж, Есүсийг өөрийн хүү мэт өсгөсөн болохыг хардаг. 

Христ мэндлэх үеийн нөхцөл байдал Түүний эцэг эхийн хувьд гэнэтийн зүйл байсан бол Бурханы хувьд гэнэтийн зүйл огтхон ч байгаагүй. Бидний амьдралд төлөвлөгөөг маань нураах зүйл гарах болно. Бидний төлөвлөөгүй байсан арга замаар нөхцөл байдал өөрчлөгдөх болно мөн эдгээр нь бидний хувьд гэнэтийн зүйл байх үед нөхцөл байдал маань хэзээ ч Бурханы хувьд гэнэтийн зүйл байдаггүй гэдгийг бид санах ёстой. 

Таныг алхуулахаар Тэр бүх зүйлийг Өөрийнхөө хүслийн дагуу бэлтгэсэн. Өөрийнхөө Хүүгийн дэлхий дээрх эцэг эх байлгахаар Мариа, Иосеф хоёрыг санаандгүйгээр Тэр сонгоогүйтэй яг адилхан. Түүний төлөвлөгөө таны төлөвлөсөн зүйл байгаагүй үед ч хүртэл Тэр таныг ашиглахаар сонгожээ. 

Тусган бодох асуултууд:

Бид ихэнхдээ Христийг эхлээд бяцхан хүү байсан дараа нь агуу багш болсон гэж төсөөлдөг ч Христийн эцэг эх байх нь яг ямархуу байдалтай байх бол гэж та бодож байсан уу? Энэ нь асар их баяр хөөрийн хамт ирсэн гэж та бодож байна уу?

Таны төсөөлөөгүй байсан нэг арга замаар Бурхан амьдралд тань ямар гэнэтийн нөхцөл байдлыг ашигласан бэ?