Ариун Сүнс гэж хэн бэ?Загвар

Ариун Сүнс үргэлж таны дэргэд байдаг ба танд туслахад үргэлж бэлэн байдаг

Та хэзээ нэгэн цагт Есүсийн дагалдагч нарт атаархаж байсан уу? Есүс орой бүр тэдэнтэй хамт сууж хооллодог байсан. тэд үргэлж Түүнтэй хамт явдаг байсан. Тэд Есүсээс хүссэн бүхнээ асуудаг байсан. Хэрэв Есүс сургаалиа тодорхой биш сургаальт зүйрлэлээр ярьсан бол тэд Түүний мөрөн дээр цохин энэ яг юу гэсэн үг юм бэ хэмээн асуудаг байсан. гэхдээ Есүсийн махан бие хязгаартай байсан. Тэр идэж, унтаж бас угаалгын өрөө ордог байсан. Заримдаа, Тэр хүмүүсээс зугтаж зөвхөн Өөрөө Бурхантай өнгөрөөх цагийг гаргадаг байсан.

Эдгээр дагалдагч нар Бурханд хүрч чаддаг байсан. Есүс тэдэнтэй хамт байсан, ингэж бодохоор тэдэнд атаархмаар ч юм шиг. Гэхдээ Тэр дэлхийг орхин одохдоо бэлдэж байх үедээ би явсан нь дээр, тэгээд Миний илгээх Ариун Сүнс үргэлж та нартай хамт байх болно гэж хэлсэн. Өөрөөр хэлбэл Есүсийн хэлсэн нь Ариун Сүнсний тэдний дотор амьдарна гэсэн утгатай юм. Тэр ямар ч цаг үед, юу ч болж байсан хамт байх болно. Зүгээр л Ариун Сүнсний тухай бод, яг тэр үед чинь Тэр тэнд тантай хамт байх болно. Удирдамж хэрэгтэй банйа уу? Эргэлзэж байна уу? Юу хийхээ мэдэхгүй байна уу? Зүгээр л Түүнээс асуу, Тэр таныг сонсох болно.

Бидний Бурхантай харилцах харилцаанд хязгаар гэж үгүй. Ариун Сүнсээр дамжуулан Бурхан бид бүхэнтэй нэгэн цагт, нэгэн зэрэг хамт байна гэдгээ амласан. Тэр бидний дотор амьдарч, бидний оюун бодол, хүсэл мөрөөдөл, зүүд нойр болон чин хүслүүдээр дамжуулан ярьдаг.

Бурхан танай сургууль эсвэл ажил дээр ямар нэгэн зүйлийг хийхээр төлөвлөж байна гээд төсөөлөөд үзье. Тэр төлөвлөж буй ажлаа Ариун Сүнсээр дамжуулан Түүний төлөвлөгөөг хэд хэдэн хүний дотор шивнэхээс эхлүүлж болох юм. Тэд бие биенийгээ тийм ч сайн мэддэггүй, нэг цуглаанд ч хамрагддаггүй, гэхдээ тэд бүгд ариун Сүнсийг сонсож, Түүний хэлснийг хийдэг хүмүүс. Бурханы хүслийг биелүүлэхийн тулд Тэр хэсэг, хэсэг төлөвлөгөөнүүдийг гаргадаг. Түүний цаг ирэх үед тэр жижиг хэсгүүд нэгдэн Бурханы төлөвлөгөө хэрэгжиж эхэлдэг.

Библийн Үйлс номноос Ариун Сүнс зөв хүмүүсийг сонгож, зөв цагт нь гайхалтай зүйлүүдийг хийдэг талаар хэд хэдэн гайхалтай түүхүүдийг та уншиж мэдэж болно. Ариун Сүнс бид бүхний дотор оршдог, Түүнд боломжгүй зүйл гэж үгүй. Бидний цор ганц хийх ажил бол толгой дотор маань буй нам гүм дуу хоолойг сонсож, дуулгавартай дагахын тулд чадах бүхнээ хийх явдал юм.

гэхдээ хүлээгээрэй, миний сонсож буй дуу хоолой Бурханых гэдгийг би хэрхэн мэдэх билээ? Гайхалтай асуулт байна. Яг энэ зүйлийн талаар маргааш хамтдаа судалцгаая.