Ариун Сүнс гэж хэн бэ?Загвар

 Есүс танд Ариун Сүнсийг илгээнэ гэж амласан 

Үзэг, цаас ашиглан захидал бичээд өөрийн хэдэн найз руугаа шуудангаар захиа явуулж байна гээд та төсөөлөөд үз. Өөрийн гараар хамгийн дотны таван найздаа захидал бичээд, шуудангийн марк худалдаж аваад, дугтуйнд хийгээд, таван өөр хаяг ру уявжжлна гээд төсөөлөөд үздээ. Захидал явуулснаас хойш хоёроос гурав хоногийн дараагаас захидлууд таны найз нарт нэг нэгээрээ очих болно. Тэгээд тэд таны захидлыг аваад тохирох хариу илгээхийн тулд ахиад хэдэн өдөр зарцуулагдана. Би хүлээнэ гэж бодож эхлээд л шууд ядарч байна. Та яг энэ зүйлийг өөрийн ухаалаг утсаа ашиглан хэдхэн секундын дотор хийж болох байтал заавал өөрийн гараар захидал бичээд шуудангаар явуулах нь бага зэрэг сонин санагдаж байж болох юм.

Ариун Сүнс яг иймэрхүү маягаар ажилладаг. Есүс энэ дэлхий дээрх Өөрийн бүх дагалдагч нартайгаа яг нэгэн цагт харилцахыг боломжтой болгох ажлыг Ариун Сүнс хийж байдаг. Есүс Өөрийн биеэр бол зөвхөн нэг л газар байж чадна. Түүний анхны дагалдагч нар ариун Сүнс болон Түүний зорилгыг хангалттай сайн мэддэггүй байсан. Энэ нь Есүс цовдлогдохоосоо өмнө дагалдагч нартайгаа сүүлчийн хэдэн өдрөө хамт өнгөрөөж Өөрийнхөө үхэлд тэднийг бэлдэж байсны шалтгаан юм. Дагалдагч нар нь Түүнийг үхлийн талаар ярьж байгааг ойлгоогүй. Тиймээс Тэр тэдэнд амлалтыг өгсөн.

Есүс дэлхийг орхин явах үедээ Өөрийнхөө оронд хэн нэгнийг илгээнэ гэсэн—тэр хэн нэгэн нь Ариун Сүнс юм. Есүс Өөрийн махан биеэ Сүнссээр сольж байгаа гэж хэлээгүй. Тэр хэлэхдээ Ариун Сүнс үргэлж та нартай хамт байж Есүсийн ярьсан бүхийл зүйлсийг ойлгоход тусална гэж хэлсэн. Бас Ариун Сүнс Түүний дуу хоолойг сонсож шинэ шинэ зүйлсийг хэрхэн сурахыг заах болно гэсэн.

Ариун Сүнс ирэх үед, Тэр тэднийг үнэн рүү хөтлөх болно. Тэр Өөрийнхөөрөө юуг ч хийдэггүй, харин Есүсийн алсын харааг биелүүлэх ажлыг хийх болно. Чухамдаа бол Ариун Сүнс Есүст хүндэтгэлтэй хандах бүхнийг хийнэ гэсэн үг юм. Ариун Сүнс Есүсээс зааварчилгаа авч Түүнийүгийг Өөрийнх нь дагалдагч нарт яг Түүний хэлснээр дамжуулдаг. Гайхалтай нь гэвэл: энэ амлалт нь зөвхөн Есүсийг сургаалиа зааж байх үед Түүнийг тойрон сууж байсан тэр хүмүүст зориулагдаагүй, энэ амлалт танд ч бас өгөгдсөн!

Энэ амлалт таны амьдралыг хэрхэн өөрчилж болохыг та төсөөлөөд үз дээ. Есүс Ариун Сүнсийг бидэнд илгээхээс өмнө Тэр Өөрөө л цорын ганц Бурханы мэдээллийн эх үүсвэр байсан ба, Тэр ганцхан газарт л байж чаддаг байсан. Харин Ариун Сүнс Есүсийн дагалдагч бүрийн зүрхэнд ирсэнээр, Есүсийн хүсэл бидний дотор шууд ирэх боломжтой болсон.

Одоо үүрэн телефоны цамхаг, ухаалаг гар утас байхгүй байсан ч Ариун Сүнс бидний зүрх сэтгэл, оюун ухаанд шууд ярьж чадна. Маргааш хамтдаа Ариун Сүнсний хаана ч, хэзээ ч байх боломжтой гайхамшигт хүчний талаар хамтдаа олж мэдэцгээе.