Таны амьдралд зориулсан Бурханы төлөвлөгөөЗагвар

Бид Бурханы төлөвлөгөөг олж харахгүй байгаа үед юу болдог вэ? 

Хуучин гэрээнд, Иеремиа гэгддэг Вавилон уруу цөллөгдөн, Бурханаас үгийг авч түүний хүмүүст хүргэдэг нэгэн эш үзүүлэгчийн талаар гардаг. Энэ мэдээж тэдний хүссэн газар байгаагүй байх. Ийм төлөвлөгөө ч байгаагүй. Бурхан тэднийг аврахын оронд "байшингууд босгож, тэндээ амьдар" (Иеремиа 29:5) мөн "миний та нарыг цөлж явуулсан хотод сайн сайхныг эрэлхийл." (Иеремиа 29:7) хэмээдэг.

Хэдэн ишлэлийн дараа, Бурхан тэдэнд ..."та нар Вавилонд далан жил байнаГэхдээ би та нар уруу дахин ирж, өөрийн сайн үгийг та нарт биелүүлэн, гэрийг чинь дахин буцаан авчрах болно." хэмээдэг. (Иеремиа 29:10) 

Далан жил! Бидний ихэнх нь ямар нэг зүйлийг далан жил байтугай далан хором ч хүлээх тэвчээргүй байдаг.  

Энэ бүх нөхцөл байдалд Бурхан ийнхүү хэлсэн юм. Яг дараагийн эшлэл болох бид бүхний өмнө нь олон удаа сонсож байсан: "Учир нь та нарт зориулж байгаа төлөвлөгөөнүүдийг Би мэдэх бөгөөд тэдгээр нь та нарт ирээдүй ба найдварыг өгөхийн тулд гай гамшгийн бус, сайн сайхны төлөөх төлөвлөгөөнүүд юм." Иеремиа 29:11

Бурханы төлөвлөгөөний талаар мэдэх ёстой гурван зүйл:

1)Сайн төлөвлөгөө нь цаг хугацаа их ордог.Бурхан Израилчуудад далан жилийн турш цөллөгдөх болно хэмээдэг. Хүмүүсийн олонх нь үүнийг сонсоод Бурханы тэдэнд амласан амлалтын талаар харж чадахгүй байх. Заримдаа Бурхан танд өөрийн төлөвлөгөөгөө таниулахгүй үнэхээр удаад байгаа юм шиг санагдаж болох юм. Үнэн гэвэл та магадгүй Бурханы төлөвлөгөөг бүхлээр нь харж чадахгүй байгаа мэт санагдаж болох ч, та Бурханаар дамжуулан доод үеийнхэндээ өөрөө ч мэдэлгүй маш том нөлөөг үзүүлж байж болох юм!

2)Хүлээнэ гэдэг нь цагаа дэмий үрж буй хэрэг биш. Бурхан Израилчуудад далан жил юу ч хийлгүй зүгээр хүлээ гэж хэлээгүй гэдгийг санаарай. Тэр тэдэнд "Миний та нарыг цөлж явуулсан хотод сайн сайхныг эрэлхийлж, түүний өмнөөс ЭЗЭНд залбир." хэмээдэг. Та одоо хаана ч байлаа гэсэн, Бурхан таныг ашиглаж чадна! Бурхан таныг хараахан аваачаагүй байгаа тэр газраа хүлээх зуураа Бурханы хаанчлалын төлөө нөлөө үзүүлж чадах энэ цаг мөчөө бүү алд.

3)Түүний төлөвлөгөө бол сайн.Та одоо ямар ч нөхцөл байдалд байгаа бай хамаагүй Иеремиа 29:11 бол амлалт юм. Бурхан танд сайн төлөвлөгөөг бэлдсэн. Тэр нь та нарт ирээдүй ба найдварыг өгнө. Яг одоо магадгүй бүх зүйл болж бүтэхгүй байгаа мэт санагдаж байж магадгүй. Гэхдээ та үргэлжлүүлэн өөрийн ирээдүйн талаар Бурханд итгэсээр байвал сайн талыг олж харах болно.