Kutangisa ZIBISO NGEKWE LUKWALO IGOGU
ZIBISO NGEKWE LUKWALO IGOGU
Zina ileli, Kutangisa, lodwa “Budwilo.” Lukwalo igogu goleba ngekwe kubumbiwa kwe lubumbo, budwilo gwe nthu ne kutangisa kwe tjibi nenge kudziyila mu shango nenge zila Ndzimu ya unoshingidzana ne bathu ndiyo. Kutangisa gungathubukanyiwa gukabe mbabi mbili:
(1) Ndima 1—11 dzoleba ngekwe kubumbiwa kwe shango ne thawu dze bupenyu gwe bathu mu misi ye kutanga. Ipapa kowang'wa thawu ngekwa Adamu na Efa, Kaini na Abele, Nuwa ne nkubila ne Thungamakole ye Bhabhiloni.
(2) Ndima 12—50 dzoleba ngekwa bobatategulu be Baiziraela. Be kutanga ndi Abhurahama wakabe ezibika nge kugalamoyo kukwe nenge kuhwa Ndzimu kukwe. Kudwapo kotobela ngano ngekwe mwana uwe Isaki ne ngekwa Jakubo mwana we mwana uwe (wakabe kakale edang'wa Iziraela) ne ngekwe bakololo ba Jakubo bakabe bali gumi lina babili. Ndibo bakasika njudzi dzili gumi lina mbili dze Iziraela. Josefa mmwe we bakololo ibaba unoyegwa njele kwazo kang'ompela ne zwiyitikalo zwakathama Jakubo ne bakololo babe ne misha yabo kuti bayende banogala ku Egipiti.
Lukwalo igogu nenguba gutaula ngekwe bathu, tje kutanga kakale tjili itjo mongo we ndebo, i thawu ngekwe tjakashingwa nge Ndzimu. Gotangisa gusimisa kuti Ndzimu wakabumba lubumbo gose, gupeleledza ngogadzabgwe kuti Ndzimu unowodwilila ulakidza kube ne hanya mu bathu bawo. Mu lukwalo gose igogu tjikulu tjinolebgwa i mbumbiko ye Ndzimu unosumikilisa ukabuya ukaloba shamu banothamila zwithu ntome, unotungamila ukabhatsha bathu bawo, ukabezha butjilo gwabo. Lukwalo igogu gwa ntolo gwakakwaligwa kubiganya thawu ngekwe bugalimoyo gwe bathu ne kubhatsha kuti balondolodze kugalamoyo ikoko.
Zwimu lukwalo igogu nge bufupi
Kubumbiwa kwe lubumbo nekwe nthu 1:1—2:25
Kutangisa kwe tjibi ne kudziyila 3:1-24
Kudwa kuna Adamu kunoti kuna Nuwa 4:1—5:32
Nuwa ne nkubila 6:1—10:32
Thungamakole ye Bhabhiloni 11:1-9
Kudwa kuna Shemu kunoti kuna Abhuramu 11:10-32
Bobatategulu: Abhurahama, Isaki, na Jakubo 12:1—35:29
Zwizekugwana zwa Esau 36:1-43
Josefa ne bakulu babe 37:1—45:28
Baiziraela mu Egipiti 46:1—50:26
നിലവിൽ തിരഞ്ഞെടുത്തിരിക്കുന്നു:
Kutangisa ZIBISO NGEKWE LUKWALO IGOGU: KBTP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Kalanga Bible © Bible Society of Botswana, 2008, 2018.